1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD:Bush asifu hukumu ya kifo dhidi ya Saddam

Rais Gorge W Bush wa Marekani amepongeza hukumu ya kifo dhidi ya kiongozi wa zamani wa Iraq Saddam hussein akisema kuwa ni mwanzo wa kuelekea demokrasia nchini humo.

Rais Bush amesema ni mafanikio makubwa ya kuondoa utawala wa kidhalimu na kuweka utawala wa kisheria nchini Iraq.

Kiongozi huyo wa zamani wa Iraq Saddam Hussein alikutikana na hatia ya uhalifu dhidi ya binadamu na mahakama inayoungwa mkono na Marekani mjini Baghdad na hivyo kuhukumiwa kunyongwa.

Hata hivyo lakini rais Bush hakuzungumzia moja kwa moja suala hilo la hukumu ya kifo dhidi ya Saddam ambayo imepingwa na Umoja wa Ulaya.

Umoja wa Ulaya umetoa taarifa yake inayosema kwamba inapinga adhabu kubwa kama hiyo katika kesi zote kivyovyote vile na haipasi kutekelezwa dhidi maofisa wa zamani wa Iraq.

Saddam Hussein alishtakiwa dhidi ya mauaji ya washia 148 wa kijiji cha Dujail mwaka 1982 nchini Iraq.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com