1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD: Waziri Mkuu wa Iraq asema serikali yake inalenga kumaliza ghasia nchini humo.

Waziri Mkuu wa Iraq, Nuri al-Maliki amesema serikali yake imepania kumaliza ghasia zinazoendelea nchini humo.

Waziri Mkuu Nuri al-Maliki amesema hayo punde baada ya shambulio baya la bomu la kujitolea mhanga lililotokea jana katika soko mjini Baghdad.

Takriban watu mia moja na thelathini waliuawa na wengine mia tatu wakajeruhiwa kwenye shambulio hilo.

Polisi wamesema mtu mmoja aliendesha lori hadi katikati ya soko lililojaa watu na akaripua baruti kiasi ya tani moja kwenye eneo hilo ambalo wakazi wake wengi ni wa madhahebu ya Shia.

Nuri al-Maliki amedai shambulio hilo limetekelezwa na wafuasi wa rais wa zamani, Saddam Hussein, aliyetiwa kitanzi.

Wakati huo huo, mashambulio ya mabomu yametokea mjini Baghdad na kusababisha vifo vya watu watano, wakiwemo askari-polisi wanne na watu kadhaa wakajeruhiwa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com