1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD: Watu takriban 20 wauwawa kwenye shambulio la bomu

Watu takriban 20 wameuwawa na wengine 15 kujeruhiwa wakati mshambuliaji wa kujitoa mhanga maisha alipojilipua katika mji wa kikurdi karibu na mpaka wa Irak na Iran. Mlipuko huo umetokea mjini Mandali katika wilaya ya Diyala.

Sambamba na taarifa hiyo, polisi wa Irak wanasema wameipata maiti ya mwanamme mmoja aliyekuwa amevaa sare inayofanana na mavazi ya jeshi la Marekani ikielea kwenye mto wa Euphrates huko Musayyib, yapata kilomita 60 kusini mwa mji mkuu Baghdad.

Hayo yametokea huku wanajeshi watatu wa Irak wakiendelea kuwatafuta wanajeshi watatu wa Marekani waliotekwa nyara mnamo tarehe 12 mwezi huu, wakati kikosi chao kiliposhambuliwa karibu na Mahmoudiya.

Kufikia sasa jeshi la Marekani halijatoa matamshi yoyote kuhusu kisa hicho.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com