1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD: Wanamgamboi wa Al-Qaeda wameuawa Iraq

Vikosi vya Marekani na Iraq vimewakamata wanamgambo 2 wa Al-Qaeda wa ngazi ya juu na wapiganaji wengine 7 katika wilaya ya Diyala. Azma ya operesheni hiyo ya majeshi ya Marekani inayoendelea kwa siku ya tano,ni kuwateketeza waasi waliojificha Diyala.Jeshi la Marekani pia limesema kuwa katika uvamizi uliofanywa kwengineko nchini Iraq,wapiganaji wengine 7 wa Al-Qaeda wameuawa na washukiwa 10 wamekamatwa katika miji ya Tikrit,Fallujah,Baghdad na Mosul. Katika operesheni nyingine ya uvamizi ukingoni mwa Baghdad,katika mtaa wa Sadr City,wanakoishi Washia wengi zaidi,wanamgambo 3 walizuiliwa. Katika tukio tofauti,watu wenye bunduki walivamia jengo la shule linalotumiwa na vikosi maalum vya Iraq katika mji wa Samarra,ulio kaskazini mwa nchi.Maafisa 2 wa polisi waliuawa na wengine 6 walijeruhiwa katika shambulio hilo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com