1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Baghdad. Wahukumiwa kifo.

Mahakama maalum mjini Baghdad imewahukumu adhabu ya kifo watu watatu, ikiwa ni pamoja na binamu yake Saddam Hussein , anayejulikana kwa jina la Chemical Ali. Ali Hassan al-Majid alisimama kimya wakati jaji akisoma hukumu yake ya kifo kwa kunyongwa kwa madai kadha ikiwa ni pamoja na mauaji ya halaiki dhidi ya Wakurdi wa Iraq. Wakurdi upande wa kaskazini wa Iraq walishangilia hukumu hiyo ya kifo aliyopewa Majid ambaye alikuwa akionekana kuwa msanifu wa kampeni hiyo iliyofanyika katika mji wa Anfal, ambapo zaidi ya raia wa Kikurdi 180,000 wanaaminika kuwa wameuwawa.

Wajumbe wengi wa ngazi ya juu wa zamani katika utawala wa Saddam Hussein pia wamepewa adhabu ya kifo, na wengine wawili wamepewa adhabu ya kifungo cha maisha jela wakati mtu wa sita ameachiliwa huru.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com