1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD :Wafanyikazi wa ulinzi waua watu 9

Wafanyikazi wa kampuni moja ya ulinzi wamewapiga risasi yapata wakazi 9 hadi kufa na wengine 18 kujeruhiwa mjini Baghdad.Kulingana na ubalozi wa marekani nchini humo wafanyikazi wa wizara ya mambo ya kigeni ya Marekani walihusika katika tukio hilo ila hakuna maelezo zaidi yaliyotolewa.Mauaji hayo yalifanyika katika eneo la Mansour mtaa wa Nisoor ulio na Wasunni wengi kulingana na afisa mmoja wa polisi ambaye hakutaka kutambuliwa.Wafanyikazi hao wa usalama walikuwa katika msafara wa magari sita na kuondoka mahala hapo pa mkasa baada ya tukio lenyewe.

Wanajeshi wa Marekani walifika katika eneo hilo la mkasa lakini hawakuhusika kwa mujibu wa msemaji wa jeshi Luteni kanali Scott Bleichwehl.Waziri mkuu wa Iraq Nuri al Maliki alishtumu kitendo hicho.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com