1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD: Naibu waziri wa afya wa Irak amekamatwa

Vikosi vya usalama vya Marekani na vya Irak vimevamia wizara ya afya mjini Baghdad na vimemkamata naibu waziri,Hakim Zamili.Hayo ni kwa mujibu wa msemaji wa wizara ya afya.Maafisa wa majeshi ya Kimarekani bado hawakusema cho chote kuhusu ripoti hiyo.Zamili anajulikana kama ni mfuasi wa shehe alie na siasa kali-Moqtada al-Sadr.Kwa upande mwingine,zaidi ya watu 20 wameuawa katika mashambulio mbali mbali.Kwa mujibu wa polisi,watu 7 waliuawa mjini Baghdad baada ya bomu kuripuka karibu na basi moja.Na katika mji wa Aziziya,wanakoishi Washia wengi,si chini ya watu 15 walipoteza maisha yao katika mripuko wa bomu lililotegwa ndani ya gari.Vile vile wanajeshi 7 wa Kimarekani wamefariki katika ajali ya helikopta iliyotokea katika wilaya ya Anbar.Marekani imepoteza helikopta tano katika kipindi cha majuma matatu.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com