1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD : Mkutano wa usalama wa Iraq wafunguliwa

Mkutano wa ngazi ya juu ya usalama wa Iraq unaohudhuriwa na nchi jirani za Iraq na nchi wanachama wa kudumu wa Baraza la Usalama la Umoja wa Mataifa umefunguliwa mjini Baghdad leo hii.

Mkutano huo una lengo la kuzihusisha zaidi nchi jirani na Iraq kuleta utulivu nchini humo kwa kukomesha umwagaji damu wa kimadhebu kabla ya kuenea katika eneo zima la Mashariki ya Kati.

Nadhari imekuwa juu ya tetesi iwapo kutakuwapo na mazungumzo ya moja kwa moja kati ya Marekani, Iran na Syria pembezoni mwa mkutano huo.Mazungumzo hayo yanaonyesha kubadilika kwa sera ya Marekani kutokana na utawala wa Rais George W. Bush kugoma hadi sasa kuwasiliana moja kwa moja na Iran na Syria ambazo inazishutumu kwa kuunga mkono uasi nchini Iraq.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com