1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD: Makamu wa rais wa zamani amenyongwa

Makamu wa rais wa zamani wa Irak, Taha Yassin Ramadan, amenyongwa mjini Baghdad hii leo. Ramadan ametiwa kitanzi mwendo wa saa tisa usiku wa kuamkia leo saa za Irak na ni afisa wa nne kunyongwa kuhusiana na mauaji ya Washia 148 katika kijiji cha Dujail mnamo mwaka wa 1982.

Kunyongwa kwake kumefanyika wakati wa maadhimisho ya miaka minne ya vita dhidi ya Irak vilivyoongozwa na Marekani.

Ramadan alihukumiwa kifungo cha maisha jela mwezi Novemba mwaka jana kwa kuhusika katika mauaji hayo, lakini mahakama ya rufaa mjini Baghdad ikaongeza adhabu yake kuwa kifo.

Rais wa zamani wa Irak, Saddam Hussein, na wapambe wake wawili walitiwa kitanzi pia kwa mauaji hayo.

Wakati haya yakiarifiwa watu watano wameuwawa na wengine 17 kujeruhiwa katikati mwa mji mkuu Baghdad wakati bomu lililokuwa limetegwa ndani ya motokaa ililiporipuka karibu na kituo cha polisi.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com