1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGDHAD: Mabomu yaua watu nchini Iraq

Kiasi watu ishirini na wawili wamefariki na wengine kama ishirini wamejeruhiwa baada ya mabomu mawili yaliyotegwa kwenye magari kulipuka kwenye vizuizi vya polisi karibu na madaraja mawili mjini Baghdad.

Kwa mujibu wa polisi madaraja hayo mawili yaliharibiwa kabisa baada ya milipuko hiyo iliyopishana kwa dakika chache.

Mashambulio hayo yametokea huku Marekani ikijitahidi kuwasaka wanamgambo wanaohusika na mabomu ya kujitoa mhanga mjini humo.

Hapo awali, majeshi ya Marekani yalisema yamefanya misako kadha kukabiliana na wanaohusika na mabomu yanayotegwa kwenye magari kote nchini Iraq na wakawaua wanamgambo wanne na wakawatia nguvuni wanamgambo wengine tisa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com