1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ANKARA: Mahakama ya katiba yatakiwa ifutilie mbali ombi la upinzani

Mtaalamu wa sheria nchini Uturuki ameishauri mahakama ya katiba nchini humo ikatae ombi la upinzani la kutaka uchaguzi wa rais ufutwe nchini humo. Hayo ni kwa mujibu wa vyombo vya habari nchini Uturuki.

Uamuzi wa mahakama hiyo utaamua hali ya baadaye ya serikali ya waziri mkuu, Reccep Tayyip Erdogan, ya misingi ya dini ya kiislamu inayopingana na Waturuki wasiokumbatia sana dini wakihofia kuna njama ya kuibadili Uturuki kuwa taifa la kiislamu.

Hikmet Tulen, mtaalamu wa sheria aliyepewa kazi ya kuchunguza ombi la upinzani na mahakama ya katiba, ameishauri mahakama hiyo ilitupilie mbali ombi hilo.

Maafisa wa mahakama hiyo hawajatoa matamshi yoyote kuhusiana na ripoti hiyo. Mahakama ya katiba inatarajiwa kutoa uamuzi wake baadaye leo au kesho Jumatano.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com