1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Addis Ababa. Majeshi ya Ethiopia yashambulia Wasomali.

Ethiopia imesema kuwa majeshi yake yameshambulia ndani ya ardhi ya Somalia dhidi ya majeshi ya mahakama za Kiislamu. Hii inafuatia madai ya umoja wa mahakama hizo kuwa ndege za kivita za Ethiopia zimeshambulia maeneo kadha, ikiwa ni pamoja na mji unaoshikiliwa na wapiganaji wa Kiislamu wa Beletweyne.

Mapigano , ambayo yameongezeka nchini Somalia tangu Jumatano iliyopita , yameripotiwa pia kutokea karibu na mji wa Baidoa, makao makuu ya serikali dhaifu ya mpito inayoungwa mkono na Ethiopia.

Ethiopia hapo kabla imesema kuwa imetuma wataalamu wa kulifunza jeshi la serikali. Majeshi ya wapiganaji wa Kiislamu yanadhibiti mji mkuu Mogadishu pamoja na maeneo kadha nchini humo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com