1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ADDIS ABABA : Kikosi cha Afrika chaongeza muda Dafur

Umoja wa Afrika umeongeza muda wa mamlaka ya kikosi chake cha kulinda amani huko Dafur nchini Sudan hadi mwishoni mwa mwaka huu na kusema kwamba inatumai juhudi za kuweka kikosi mchanganyiko cha Umoja wa Afrika na Umoja wa Mataifa katika jimbo la Dafur zitaharakishwa.

Baraza la Amani na Usalama la Umoja wa Afrika pia limetowa wito wa msaada wa kifedha na vifaa kwa operesheni za kikosi chake hicho katika jimbo la Dafur ambapo wakati fulani hakikulipwa mshahara kwa miezi mitatu.

Kufuatia juhudi nzito za kidiplomasia za miezi kadhaa Sudan ilikubali wiki iliopita kuwekwa kwa kikosi mchanganyiko cha Umoja wa Afrika na Umoja wa Mataifa cha wanajeshi 23,000 pamoja na polisi kuimarisha kikosi cha wanajeshi 7,000 wa Umoja wa Afrika walioko Dafur.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com