1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ABIDJAN: Serikali ya mpito yatangazwa Ivory Coast

Ivory Coast imetangaza serikali mpya ya mpito,kwa azma ya kuitayarisha nchi hiyo kwa chaguzi huru na za haki.Katika juhudi ya kutaka kuiunganisha nchi,serikali mpya inawaleta pamoja waasi wa zamani na washirika wa Rais Laurent Gbagbo. Serikali hiyo imeundwa kufuatia makubaliano ya amani ya tarehe 4 mwezi Machi,kati ya Rais Gbagbo na kiongozi wa waasi Guillaume Soro.Tangu mwaka 2002,Ivory Coast imegawika sehemu mbili,baada ya jeribio la Soro la kutaka kuipindua serikali kushindwa kufanikiwa.Tangu wakati huo,vikosi vya Soro vimedhibiti eneo la kaskazini huku majeshi ya Gbagbo yakidhibiti sehemu ya kusini.Soro,sasa amefanywa waziri mkuu katika serikali mpya ya mpito.Kwa mujibu wa serikali hiyo,vikosi vya kigeni vinavyolinda eneo lililo kati ya kaskazini na kusini vitaanza kuondoka ifikapo katikati ya mwezi huu.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com