1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Votohet shkarkimi i Sollakut

Pas debatesh të ashpra parlamenti shqiptar miratoi raportin për shkarkimin e Kryeprokurorit Theodhori Sollaku.

Parlamenti në Shqipëri

Parlamenti në Shqipëri

Dje në Tiranë përfundoi pas debatesh të ashpra në parlament odiseja e gjatë e çështjes Sollaku. Parlamenti i Shqipërisë votoi mbrëmë pas debatesh me 77 vota pro, 37 kundër dhe 3 abstenime raportin, i cili kërkon presidentit të Republikës shkarkimin e kryeprokurorit Theodhori Sollaku.

Sollaku akuzohet për uljen e efikasitetit në luftën kundër krimit të organizuar e per lidhje me krimin. Në emër te komisionit hetimor parlamentar, raportin përfundimtar e paraqititi kryetari Ferdinand Xhaferri, deputet i mazhorancës. Në raport thuhet se janë mbyllur dosje të çështjeve të rënda, ndërkohë që nga ana e Prokurorisë është penguar procesi i ekstradimeve për autorë të veprave të rënda kriminale.

Sollaku më parë i kishte hedhur poshtë akuzat duke e komentuar kërkesën e mazhorancës për shkarkimin e tij si kërkesë politike dhe dhunim të kushtetutës. Sipas Sollakut, nga komisioni hetimor nuk ishte vënë në dispozicion asnjë fakt dhe se gjithshka ishte e paravendosur. Akuzat ai i quajti të turpshme dhe antikushtetuese dhe që lidheshin me hetimin që Prokuroria kishte nisur për rrugën Durrës Kukës, ku ishte implikuar dhe një anëtar i qeverisë.

Kryeministri i Shqipërisë, Sali Berisha e vlerësoi pozitivisht miratimin e raportit për shkarkimin e Sollakut. Ai i bëri thirrje opozitës socialiste të mos identifikohet me Sollakun. Pas miratimit të raportit në parlamenti, tanime pritet vendimi i presidentit të Republikës për shkarkimin e Sollakut.

  • Data 06.11.2007
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/C2uL
  • Data 06.11.2007
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/C2uL