Temat kryesore të BE-së në 2014
BE-ja ka arritur kthesën ekonomie: Për 2014 ekspertët parashikojnë rritje ekonomike në eurozonë. Por edhe pse duket të jetë kapërcyer kulmi i krizës, në 2014 BE-së i duhet të përballet me të tjera pika të dobëta.
Kantjeret me pengesa të BE-së
BE është vazhdimisht në proces ndryshimesh. Në shumë pozicione restaurohet, rikonstruktohet, përmirësohet e zgjerohet - ndonjëherë edhe shembet për t'u ndërtuar rishtaz. Kantjeret shkaktojnë zhurmë dhe ndotje - por ato hapin vende pune. Ndërtuesit janë përgjegjës për financat dhe punëtorët realizojnë dëshirat, por kalimtarëve, që s'kanë të bëjnë me ndërtimin u duhet të durojnë pasojat.
Europianët e kanë vet në dorë: Të marrin pjesë në vendimmarrje ose të protestojnë
Me zgjatjen e krizës në Europë janë rritur refuzimi dhe skepticizmi. Kjo mund të shprehet edhe në zgjedhjet e ardhme për Parlamentin Europian. Pjesëmarrja në zgjedhje prej vitesh është në rënie. Por kësaj here deputetët po përdorin në mënyrë të veçantë reklamën: madje kandidatët kryesorë janë duke dalë në duele televizive.
Surpriza në zgjedhjet për Parlamentin Europian?
Edhe partitë kritike ndaj Europës po luftojnë për çdo votë. Qoftë partia britanike UKIP, Fronti Nacional në Francë apo partia "Alernativa për Gjermaninë", që të gjitha kërkojnë "më pak Europë". Por vetëm kjo është e përbashkëta mes këtyre partive. A mjafton kjo për krijimin e një aleance të qëndrueshme mbareuropiane të euroskeptikëve?
Menaxhimi i krizës
Ombrella shpëtimi me vlera miliardash e kanë stabilizuar eurozonën e tronditur në themel. Me ndihmat dhe me reforma rrënjësore Irlanda arriti të dalë nga fondi i shpëtimit. Ndërsa në vende të tjera masat për konsolidimin e financave ende s'kanë filluar. Franca rrezikohet nga vazhdimi i fazës së dobësimit ekonomik.
Unioni bankar – një ilaç magjik kundër krizës?
Një menaxhim i sukseshëm i krizës zë fill me zbulimin e shkaqeve. Bankat e falimentuara nuk duhet të lejohen më që të rënojnë shtete të tëra. Këto banka nuk duhet t'i shpëtojnë qytetarët me paratë e taksave. Me unionin e planifikuar bankar BE-ja synon të ndërhyjë dhe t'i kontrollojë më mirë institucionet relevante për sistemin. Në rast dyshimi mund të jepet alarmi në kohën e duhur.
Perpektivë punësimi për të papunët
Nga tregu i brendshëm përfitojnë kryesisht mbi 26 milionë të papunët në BE. Në kushtet e krizës ato kritikojnë pasojat e masave të kursimeve të imponuara nga troika. Ndërkohë Brukseli ka premtuar ndihma: Të rinjve në vendet e krizës së shpejti do t'u jepet ndihmë përmes programeve të posaçme të BE-së për riintegrimin në punë.
Më shumë aftësi konkurruese
BE-ja duhet të forcojë ekonominë e vet për ta përballuar më mirë konkurrencën globale. Për këtë Komisioni i var shpresat tek një treg i brendshëm i hapur dhe tek marrëveshjet e tregtisë së lirë me vendet e treta. Por për të rritur aftësinë e konkurrencës çdo vend në radhë të parë duhet të punojë për realizimin e detyrave që i ka vënë vetes.
Mbrojtja e të dhënave 2.0
Në BE lejohet që të dhënat nga telefonatat dhe interneti të ruhen deri në dy vjet - ky rregull ekziton ende. Por në pranverë Gjykata Europiane vendos mbi ligjin për depozitimin e të dhënave të regjistruara. Me gjasë ky ligj do të rëzohet, sepse depozitimi afatgjatë i të dhënave cënon të drejtën themelore të privatsisë, thuhet në ekspertizën juridike të Gjykatës Europiane të publikuar në dhjetor.
BE-ja vendstrehimi për njerëzit në rrezik
BE-ja kritikohet ashpër për politikën ndaj refugjatëve, se ajo po i mbyll kufijtë ndaj njerëzve që kërkojnë mbrojtje. Edhe pas tragjedisë në Mesdhe, krerët e BE-së e refuzuan në tetor ndryshimin e kursit. në 2014 BE synon bashkëpunim më të mirë me vendet nga vijnë refugjatët si dhe me vendet e tranzitit duke kontribuuar më shumë me politika zhvillimi dhe me një politikë më efikase riatdhesimi.