Më shumë diskriminimi ndihet në zyra dhe në tregun e punës

Njerëzit me prejardhje të huaj ndihen në Gjermani, pothuajse dy herë më shumë të diskriminuar se sa vendasit pa sfond emigracioni. Kjo rezulton nga një studim i ri, që u prezantua nga Agjencia e Antidiskriminimit dhe Këshilli Konsultativ për Migracionin në Berlin. Shumica e "diskriminimeve", ndodh sipas studimit në zyra dhe në tregun e punës. Ndonjë dallim mes Lindjes dhe Perëndimit të Gjermanisë.

Kështu rreth një e pesta e emigrantëve njofton për diskriminim në tregun e punës. 31% e njerëzve me origjinë turke, 33 për qind e emigrantëve nga Afrika, Azia dhe Amerika Latine 38% e muslimanëve, ndjehen shpesh të diskriminuar. Kjo konstatohet në bazë të studimit edhe në sektorin e arsimit, ku 29 për qind e nxënësve dhe e studentëve me origjinë turke, si dhe 36 për qind e muslimanëve nga Afrika dhe Azia ndjehen të mënjanuar. Edhe mënyra e sjelljes në zyra, si dhe në agjencitë e punësimit dhe të emigracionit konsiderohen nga shumë emigrantë shumë diskriminuese. Studimi lë megjithatë të hapur, nëse ankesat vijnë nga diskriminimi i vërtetë, apo thjesht nga rritja e sensibilitetit të të anketuarve.

Gjithsej 42 për qind e të intervistuarve me sfond emigracioni tregojnë për raste, kur janë trajtuar keq. Tek të anketuarit pa sfond migrimi, ishin 24%.

Aplikime anonim në tregun e punës

Kryetarja e Zyrës së antidskriminimit, Christine Lüders, foli për një "sinjal paralajmërues". Ajo u rekomandoi autoriteteve, që të vazhdojnë trajnimin e punonjësve për t'u konfrontuar me diversitetin etnik dhe që t'i kushtojnë rëndësi krijimit të stafeve me përzierje gjuhësore. Kundër diskriminimit në tregun e punës, ajo rekomandon futjen e procedurës së aplikimit anonim, që pengon marrjen e informacioneve mbi origjinën etnike të kandidatëve. Kryetarja e Këshillit Konsultativ për emigrimin, Christine Langenfeld, theksoi se "Mënjanimi i diskriminimit është thelbësor për unitetin e një shoqërie."

Për studimin janë pyetur më shumë se 9200 njerëz nga qendra të ndryshme urbane në Gjermani, tri të katërtat e tyre vinin nga familje emigrantësh.