1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Socialdemokrati Klaus Wowereit rizgjidhet kryebashkiak i Berlinit

Në zgjedhjet për parlamentin e landit në Berlin, socialdmeokrati Klaus Wowereit u rizgjodh për të tretën herë. Ai ka mundësi tani të zgjedhë si partner koalicioni mes partisë ekologjiste dhe asaj kristiandemokrate.

default

Klaus Wowereit duke votuar

Klaus Wowereit mund të vazhdojë të qeverisë në Berlin, por pavarësisht fitores së qartë socialdemokratët kanë pësuar humbje të vogla. Sidoqoftë koalicioni me Partinë e Majta pas dy mandatesh ka marrë fund. Kësisoj Wowereit-it do t'i duhet të zgjedhë tani si partner të ri koaliconi midis Partisë Ekologjiste dhe asaj Kristiandemokrate. Një opcion tjetër do të ishte vazhdimi i koalicionit mes socialdemokratëve dhe Partisë e Majta, por përderisa kjo e fundit ka humbur elektorat duke arritur të marrë vetëm rreth 10% të votave, do të duhej si partner i tretë për formimin e mazhorancës, bashkëpunimi i Partisë së Piratëve.  Kjo është një parti e re, që lufton kryesisht për liri në internet. Kjo parti që deri më sot asnjëherë nuk ka marrë më shumë se 2,1% të votave, është tani e përfaqësuar për herë të parë në parlamentin e një landi.

Socialdemokratët me fitoren në Berlin kanë regjistruar gjithsej suksese në zgjedhjet parlamentare të zhvilluara sivjet në shtatë lande. Partia e Majta me rezultatin më të dobët që pas ribashkimit do të dalë tani në opozitë.

Rezultatet paraprake

SPD në bazë të përllogaritjeve paraprake të votave ka marrë rreth 28,3% nga 30,8% që ka pasur në zgjedhjet e pesë vjetëve më parë në 2006. CDU-ja, forca e dytë në land ka marrë rreth 23,4% nga 21,3% që ka pasur në zgjedhjet e 2006. Ekologjistët pasojnë me 17,6%, partia e Majta 11,7, Partia e Piratëve me 8,9% dhe FDP-ja me 1,8%, duke mos e arritur kësisoj pragun e përfaqësimit me 5%. Pjesëmarrja në votime ishte gati 59%. Gjithsej u ishte bërë thirrje të japin votën 2,47 milionë qytetarëve me të drejtë vote.

Bundeskanzlerin Angela Merkel (CDU) und Bundeswirtschaftsminister Philipp Roesler (FDP) sitzen am Donnerstag (15.09.11) im Bundeskanzleramt in Berlin vor einem Gespraech mit Vertretern der Wirtschaft zur beschleunigten Umsetzung des Energiekonzepts zusammen. (zu dapd-Text) Foto: Maja Hitij/dapd

Kancelarja Angela Merkel (CD) dhe zëvendëskancelari Philipp Rösler (FDP)

Humbje e rëndë për liberal-demokratët

Partia liberal-demokrate pësoi humbjen e pestë në zgjedhjet e zhvilluara gjatë këtij viti për parlamentet e landeve. Në Berlin liberal-demokratët pësuan humbjen më të rëndë qysh pas ribashkimit të Gjermanisë. Një prezantim dinjitoz në parlamentin e ri të Berlinit ka siguruar për herë të parë në Gjermani partia e re e ashtuquajtur partia e Piratëve. Nisur nga fakti që ekologjistët kanë fituar elektorat ka shumë gjasa për pjesëmarrjen e tyre në koalicion. Por i mundshëm është edhe koalicioni me kristiandemokratët.

Kryeqyteti me probleme

Ein ausgebranntes Auto steht in der Nacht zum Donnerstag (18.08.2011) auf der Straße Zum Hechtgraben in Berlin. Bereits an drei aufeinanderfolgenden Nächten wurden mehr als 30 Autos angezündet. Foto: Britta Pedersen dpa/lbn +++(c) dpa - Bildfunk+++

Berlin Krawalle ausgebranntes Auto

Në dy periudhat e fundit legjislative Berlini është qeverisur nga koalicioni mes socialdemokratëve dhe partisë e Majta. Në këtë periudhë senati është përballur me problemet e kryeqytetit, që kishin të bëninpjesërisht me pasojat e ndarjes prej disa dekadash, pavarësisht përpjekjeve pë rreforma dhe kursime, këto probleme ende nuk janë kapërcyer. Landi i Berlinit ka hyrë në borxhe në vlerën gati 64 miliardë euro. Me 13,3% kryeqyteti ka kuotën më të lartë të papunësisë në Gjermani. Berlini ka numrin më të madh të qytetarëve që jetojnë me asistencë sociale. Imazhet e sulmeve brutale nëpër metro dhe makinat që digjen shokojnë opinionin brenda dhe jashtë landit të Berlinit. Këto probleme kanë karakterizuar edhe luftën elektorale, që në përgjithësi ishte e zbehtë.

Autor: Vilma Filaj-Ballvora (dpa)