1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

FOKUS

Prishtina dhe Beogradi "nuk tunden nga istikami"

Delegacionet e Prishtinës dhe Beogradit deklaruan dje të martën në takimin e radhës në Bruksel, se nuk do të heqin dorë nga qëndrimet e tyre, pro dhe kundër pavarësisë së Kosovës.

Presidenti Fatmir Sejdiu, Hashim Thaçi, më 24 korrik në Vjenë

Presidenti Fatmir Sejdiu dhe Hashim Thaçi, më 24 korrik në Vjenë

Serbia paraqiti në Bruksel një propozim të ri: që statusi i Kosovës të zgjidhet sipas modelit të ujdhesave Olande të Finlandës, ku jeton një pakicë suedeze. Qëllimi Serbisë nuk është kopjimi i modelit të Hong Kongut apo ishujve Olande dhe aplikimi në Kosovë, por përdorimi i tyre si model për zgjidhjen e statusit të Kosovës.
Vojislav Kostunica, Boris Tadic dhe Vuk Draskovic, Vjenë 10 mars 2007

Vojislav Kostunica, Boris Tadic dhe Vuk Draskovic, Vjenë 10 mars 2007

Serbia nuk heq dorë nga sovraniteti mbi Kosovën

Presidenti serb Boris Tadiç theksoi se: „Serbia ka deklaruar se nuk ka hequr dhe nuk do të heqë dorë nga sovraniteti mbi Kosovën e Metohinë dhe nuk pranon dezintegrimin e vendit të vet“. Tadiç tha se delegacioni i Beogradit ka shprehur vullnetin më të mirë për zgjidhjen e problemeve të njerëzve në Kosovë. Ne jemi të gatshëm për pjesëmarrje në bisedime deri në gjetjen e një zgjidhje për Kosovën, por: "Kjo zgjidhje duhet të jetë e pranueshme për të dyja palët, duhet të përjashtojë unilaeralizmin dhe shpalljen e njëanshme të pavarsisë, duhet të përjashtojë dhunën dhe të mundësojë realizimin e interesave të të gjithë njerëzve që jetojnë në Serbi, që do të thotë edhe në Kosovë,“ tha Tadiç.

Qëndrimet shqiptare dhe amerikane të njëjta

Me fjalë të ngjashme u shpreh edhe kryeministri i Serbisë Vojisllav Koshtunica i cili tha, se në qëndrimet e delegacionit kosovar dhe përfaqësuesit amerikan në trojkën ndërkombëtare Frank Vizner, nuk kishte shumë dallime. Ata kanë kërkuar që të bisedohet për raportet mes Serbisë dhe Kosovës. Ndërsa sa i përket propozimeve serbe, Koshtunica dhe Tadic nënvizuan se: „Më duhet të konstatoj se pala shqiptare as kësaj radhe nuk kishte dëshirë të bisedojë për statusin, por për çështjet pas statusit. Për raportet mes dy shteteve të pavarura.“

Përparime nuk pati

Pikërisht kjo ishte edhe esenca e propozimit të delegacionit kosovar, i cili në konferencën për shtyp dërgoi vetëm zëdhënësin e grupit të Unitetit, Skender Hysenin. Që në fillim ai tha se "për fat të keq nuk mund të raportoj për ndonjë përparim". Sa i përket propozimeve serbe për zgjidhjen e statusit të Kosovës sipas modeleve të ndryshme të autonomisë në botë, zëdhënësi i Grupit të Unitetit tha se Kosova është një rast unik dhe se edhe zgjidhja duhet të jetë e tillë. Kosova ka ofruar raporte të mira fqinjësore e madje edhe miqësi me Serbinë, ndonëse nuk e ka aspak të lehtë.

Delegacioni kosovar flet për periudhën pas pavarësisë

Një prej temave të trajtuara në të gjitha takimet e delegacionit kosovar me përfaqësuesit ndërkombëtarë ishte mundësia e shpalljes së pavarisë së Kosovës, pas datës 10 dhjetor. Bashkësia ndërkombëtare ka kërkuar që ky hap të mos ndërmerret. Rasti i radhës dhe i fundit, për afrimin e qëndrimeve dhe gjetjen e një zgjidhje kompromisi, do të ofrohet më 26 deri me 28 nëntor, kur delegacionet të takohen sërish në afërsi të Vjenës. Trojka ndërkombëtare kumtoi se mandati i tyre përfundon me 10 dhjetor, kur Grupi i Kontaktit do të duhet t’i paraqesë raportin Sekretarit të Përgjithshëm të OKB, Ban Ki Mun.

Nga bisedimet e radhës në Bruksel - 20 nëntor

DW.COM

  • Data 21.11.2007
  • Autor Bahri Cani/ Bruksel
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CPqm
  • Data 21.11.2007
  • Autor Bahri Cani/ Bruksel
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CPqm