Planet kineze për anijet kozmike
10 Korrik 201125 Shtatori 2008 ishte momenti kur Kina hyri në analet e historisë së fluturimeve kozmike. Astronauti apo si e quajnë kinezët, taikonauti, Zhai Zhigang, ishte kinezi i parë që duke zbritur nga anija kozmike "Shenzhou-7" provon mungesën e peshës në hapësirë.
Zhai Zhigang dhe kolegët bashkëfluturues festohen në Kinë si heroj të popullit. Por programi i Kinës është më ambicioz.
Liyan Han, profesor në Universitetin e Pekinit për Hapësirën kozmike thotë: "Këtu bëhet fjalë natyrisht edhe për qëllime mbrojtëse, por sidomos për shkencën dhe teknologjinë - dhe për interesa ekonomike"
Projekti tjetër një stacion kozmik kinez
Kinezët dëshirojnë ta dërgojnë që këtë vit modulin e parë në hapësirë dhe të ushtrojnë mënyrën e ankorimit të tij.
Yang Liwei, nga programi i Kinës për anijet kozmike me ekuipazh thotë:"Qëllimi është të arrijmë sukses me teknologjinë tonë të ankorimit të anijes kozmike me stacionin."
Stacioni kozmik pritet të jetë gati pas dhjetë vjetësh - e pra në atë kohë kur stacionin ndërkombëtar kozmik ISS do të nxirret jashtë përdorimit.
Pas përfundimit të programit anijeve kozmike amerikane Shuttle astronautët amerikanë do të kenë mundësinë të fluturojnë në bordin e një anijeje kozmike kineze - e cila do të jetë atëherë posti i vetëm i njerëzimit në hapësirën kozmike.
Kina sigurisht që synon të shkojë edhe më të lart: të dërgojë një njeri në Hënë dhe të barazohet kështu në të njëjtin nivel me amerikanët.
Autor: Beate Thomsen / Pandeli Pani
Redaktor: V.Filaj-Ballvora