Pas kuintave...
... në DW punohet 24 orë dhe shumë punonjës janë në shërbim për të përgatitur lajmet, analizat, reportazhet, intervistat e dokumentarët për radio, televizion dhe internet.
"Ju flet Deutsche Welle ..."
... p.sh. në gjuhën amhari, memoderatore Lidet Abebe - emisioni transmetohet drejtpërdrejt nga studioet e DW-së në Bon. Amhari është një nga 30 gjuhët e ofertës informative të medias gjermane për botën e jashtme. DW informon mbi zhvillimet kryesore nga këndvështrimi evropian dhe gjerman. Që prej 20 vjetësh DW informon përmes radios, internetit dhe televizionit edhe në gjuhën shqipe.
Gjithçka që ka të bëjë me Europën...
... mund ta mësoni përmes edicionit "Europa Sot", që ritransmetohet nga televizionet partnere News 24 në Shqipëri, RTK në Kosovë dhe MRT në Maqedoni. Ky format i DW-së ofrohet edhe për auditorin në vende të tjera si: Bosnje, Bullgari, Kroaci, Maqedoni, Rumani. Në fotografi një pjesë e stafit të DW shqip në studion e prodhimit të emisionit televiziv "Europa Sot".
S'ka të përditshme...
... nër Deutsche Welle. Cilat janë sot temat më të rëndësishme? Me cilët korrespondentë mund të lidhet drejtpërdrejt moderatori për shtjellimin e temës? Me cilat tituj do të hapet ballina e internetit sot? Për shumë redaksi si p.sh. ajo ruse në DW vazhdimisht është Prime Time. Sepse kur në Bonn dhe Berlin bie mbrëmja, në Vlladivodstok lind Dielli.
Shrkimtari Liao Yiwu në intervistë...
... me Matthias von Hein, drejtues i redaksisë kineze. Deutsche Welle u jep mundësinë të flasin shumë njerëzve, të cilët në vendin e tyre e kanë të ndaluar ose shumë rrallë gëzojnë të drejtën e lirisë së fjalës. E qenësishme për programet e DW-së është që të përcjellin mendimet e ndryshme tek njerëzit në vendet me liri të kufizuar shtypi.
Shkollimi si përjetim radiofonik...
... këtë mundësi e ofrojnë novelat radiofonike "Learning by Ear" të DW - në gjashtë gjuhë afrikane. Të ashtuquajturat novela bëjnë fjalë p.sh. se si e përshkojnë rrugën profesionale të rinjtë, apo si mund të mbrohesh nga SIDA. Skenarët shkruhen prej autorëve të rinj nga Afrika dhe Azia dhe realizohen me aktorë, si p.sh. këtu në Paksitan (në foto).
Aspak pushim...
... nuk bëjnë Pia Castro, Carlos Delgado dhe kolegët e tyre. Sepse oferta e programit televiziv në spanjisht për Amerikën Latine ndërkohë është zgjeruar në 20 orë. DW transmeton gjithsej në gjashtë kanale televizive në mbarë botën - në gjermanisht, në anglisht, në spanjisht dhe në arabisht.
"Edhe 30 sekonda deri sa të fillojë emisioni..."
...Në mënyrë që moderatori në studio të përqëndrohet për t'u prezantuar teleshikuesve temat kryesore të ditës, redaktorët dhe teknikët kujdesen që emisioni të transmetohet pa probleme. Regjia drejton transmetimin, vendos lidhjet e drejtpërdrejta për intervista dhe ndryshon planin e transmetimit nëse ka lajme të papritura të rëndësishme.
"Shpjegoi të lutem si seleksionohen plehrat gjermane..."
... një braziliani! Për Nádia Pontes-in dhe Rafael Oliveira Göpfert kjo është pjesë e së përditshmes. Ata përshtasin analiza, reportazhe dhe intervista nga gjuha gjermane në mënyrë të tillë që edhe përdoruesit brazilianë të internetit të mund të debatojnë për tema specifike gjermane. Deutsche Welle online mund të lexohet në 30 gjuhë duke nisur nga shqipja, e deri tek kizuaheli e turqishtja.
Gazetari cilësore mësojnë...
... në kuadër të kualifikimit dy vjeçar në Deutsche Welle çdo vit 20 gazetarë të rinj, njëri prej tyre është edhe Imtiaz Ahmad nga Pakistani. E veçanta e këtij kualifikimi është se në të marrin pjesë edhe të rinj nga e mbarë bota. Gjithashtu Akademia e DW në bashkëpunim me shkollën e lartë Bonn/Rhein-Sieg ofron degën e studimeve master për gazetari "International Media Studies".
Punonjës të medias nga e mbarë bota...
... mund t’i zgjerojnë njohuritë dhe aftësitë e tyre me mbështetjen e Akademisë së DW. P.sh. në kuadër të Akademisë Verore të Azisë Qendrore për gazetarinë bashkëkohore në kryeqytetin e Kirgizisë, Bishkek: Këtu pjesëmarrësit për dhjetë javë resht mësojnë bazat e mjeshtërisë gazetareske në të gjitha zhanret mediatike.
Çfarë roli luajnë mediet...
... në parandalimin e konflikteve, në zbatimin e të drejtave të njeriut apo në fushën e arsimit? Këto çështje trajton konferenca "Global Media Forum", që organizon çdo vit DW në Bon. Në konferencën e fundit numri i pjesëmarrësve ishte mbi 2000 nga më shumë se 100 vende të botës. Sivjet, nga 17 deri më 19 qershor konferenca i kushtohet temës: "E ardhmja e zhvillimit – ekonomia, vlerat dhe mediet".