Parlamenti shqiptar do të ngrejë brenda javës komisionin e posaçëm për reformën zgjedhore
30 Qershor 2008Pse nuk po bëhet asnjë hap për realizimin e reformës zgjedhore? Dy krahët e politikës e kanë shndërruar përgjigjen e kësaj pyetje në një moment replikash të ndërsjellta për shkaktarin e vonesës. Mazhoranca ankohet se nga opozita nuk ka përgjigje për ftesat e saj, ndërkohë që kjo e fundit pretendon se ka dz javë që ka bërë propozime konkrete por nga mazhoranca ka marrë vetëm heshtje.
Nëkryetari i Parlamentit Fatos Beja, përfaqësues i PD-së ishte më i zbutur në qëndrimet e sotme kur tha se të dyja palët nuk janë të interesuara për vonesën, duke paralajmëruar se ngritja e komsionit të posacëm për këtë cështje do të bëhet sa më shpejt.
Nënkryetari i Parlamentit Fatos Beja shprehet se gjithshka për refomën zgjedhore pritet të mbyllet brenda muajit korrik, para se deputët do të marrin pushimet verore. Kështu i jepet kohë dhe KQZ dhe institucioneve të tjera për të përgatitur infrastrukturën e nevojshme elektorale në kohë dhe jo siç ka ndodhur më herët kur gjithçka është lënë për minutat e fundit.
Për domosdoshmërinë e realizimit të reformës zgjedhore politika shqiptare ka marrë ditët e fundit dhe mesazhe të qarta dhe nga kancelaritë përendimore dhe institucionet e rëndësishme ndërkomëbtare.