1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Papa jep bekimin "Urbi et orbi"

Papa Benedikt XVI bëri thirrje për paqe, stabilitet dhe liri fetare në botë. Dje ai i paralajmëroi të krishterët për rrezikun që sjell humbja e aftësisë për të dalluar midis së mirës dhe së keqes.

Papa kremton Meshën e Pashkëve

Papa kremton Meshën e Pashkëve

Përballë gjakderdhes në Siri, Papa Benedikt XVI bëri thirrje për paqe, stabilitet dhe liri fetare në botë. Pas ceremonisë së Pashkëve me dhjetëra mijëra besimtarë në Sheshin e Shën Pjetrit në Romë, që shënoi edhe kulmin e festimeve katolike të Pashkëve, Papa kërkoi në mesazhin e tij për Pashkët solidaritet me refugjatët e panumërt të Sirisë. Izraelitëve dhe palestinezëve ai u kërkoi që ta rinisin procesin e paqes në Vendin e Shenjtë. Më pas, Papa dha në 60 gjuhë të botës bekimin tradicional "Urbi et orbi", "Qytetit dhe Rruzullit Tokësor"

Të shtunën në mbrëmje Papa Benedekti i XVI kremtoi së bashku me mijëra besimtarë natën tradicionale të Pashkëve. Në fjalimin e tij bazilikën e Shën Pjetrit në Romë ai paralajmëroi për një humbje të vlerave dhe bëri thirrje për rigjallërim të besimit. Papa fuqishëm u shpreh kundër një përparimi teknologjik, që shkëput nga dallimi i së mirës nga e keqja.

"Errësimi i Zotit dhe i vlerave janë kërcënimi i mirëfilltë i ekzistencës sonë dhe i të gjithë botës", tha Papa gati 85 vjeçar. Iluminimin e vërtetë nuk e sjell përparimi teknik, por besimi, i cili i tregon njeriut dritën e Zotit, tha Benedikti.

Papa pagëzon një gjermane

Papa pagëzon një gjermane



Në vazhdën e ceremonisë disaorëshe, kreu i Kishës Katolike sipas traditës pranoi në kishë duke i pagëzuar besimtarë të rritur nga shumë vende, midis tyre dy gjermanë dhe një shqiptar. - Pika kulmore e festimeve të Pashkëve arrihet sot paradite me meshën tradicionale të Pashkëve, që do të mbahet në Sheshin e Shën Pjetrit. Për këtë meshë priten dhjetëra mijëra besimtarë. Më tej Papa do të përcjellë mesazhin e Pashkëve dhe bekimin "Urbi et orbi", qytetit dhe rruzullit tokësor.

Autor dpa/afp/dw/ Esat Ahmeti

Redaktoi: Auron Dodi