Papa bën thirrje për paqe dhe jep bekimin tradicional "Urbi et Orbi"

Papa Françesku në mesazhin tradicional me rastin e Krishtlindjeve bëri thirrje për paqe në rajonet e krizës e kryesisht për Lindjen e Mesme, Sudanin e Jugut dhe Afrikën Qendrore. Konflikti në Siri ka shkatërruar shumë jetë dhe ka ngjallur urrejtje e hakmarrje, tha Papa Françesku të mërkurën (25.12.2013) duke folur para besimtarëve dhe pelegrinëve të mbledhur në sheshin e "Shën Pjetrit". Veçanërisht Papa Françesku i kushtoi vëmendje fëmijëve, të cilët shpesh janë viktimat më të dobëta të luftrave, por edhe të moshuarve e grave e të keqtrajtuara si dhe të sëmurëve. «Ti princ i paqes zbuti zemrat e atyre që ushtrojnë dhunë kudo që ata janë, në mënyrë që të ulin armët dhe të hapet rruga e dialogut", tha Papa parpara njerëzve të mledhur në sheshin qendror të Vatikanit me rastin e Krishtlindjeve.

Në mesazhin e parë të Krishtlindjeve në pontifikatin e tij Papa Françesku bëri thirrje për ndihmë për viktimat e kontrabandës me njerëz dhe për viktimat e katastrofës natyrore në Filipine. Ai apeloi për një jetë në dinjitet për refugjatët duke tërhequr vëmendjen për dramën e refugjatëve në ishullin mesdhetar të Italisë, Lampeduza. "Tragjedi të tilla nuk duhet të ndodhin sërish", apeloi kreu i Kishës Katolike. Papa Françesku në përfundim të mesazhit të tij shprehu urimet tradicionale "Urbi et Orbi" për njerëzit në mbarë ruzullin.

Të martë (24.12.2013) meshën e Krishtlindjeve në katerdralen e Shën Pjetrit Papa Françesku e mbajti para mesnatës. Gjatë meshës ai theksoi, se Jezusi erdhi në këtë botë me "mëshirë, butësi dhe zemërgjerësi". Në liturgjinë e ndryshuar pak të shërbesës fetare në katedralen e mbushur plot me besimtarë Papa Françesku mbante në dorë figurën e Krishtit fëmijë që e vendosi vet në grazhdë.

Pak para Krishtlindjeve Papa Françseku vizitoi pararadhësin e tij Papa Benediktin e XVI. Dy burrat e kishës u takuan për të biseduar dhe për t'u falur së bashku në rezidencën në Vatikan të Papës së dorëhequr. Pas dorëheqjes në shkurt 2013 Benedikti dëshironte ta kremtonte pa publicitet festën e Krishtlindjeve.