Nga çfarë kanë frikë gjermanët - Anketa e vitit 2014
Paratë, mjedisi, shëndeti - këto janë gjërat që i preokupojnë më shumë gjermanët. Por në Gjermani nuk ka asnjë gjurmë pesimizmi. Gjermanët nuk kanë qenë kurrë më parë kaq optimistë sa tani.
Divorc - S'ka problem
Që nga viti 1992 Shoqëria e Sigurimeve R + V zhvillon një anketë për frikërat e gjermanëve. Çdo vit anketohen rreth 2.500 vetë. Një rezultat interesant i vitit 2014: Më pak se për gjithçka gjermanët e vrasin mendjen për familjen.
Kostot e jetesës
Në krye të listës së gjërave prej të cilave gjermanët kanë frikë janë kostot e jetesës. 58 për qind e gjermanëve janë të shqetësuar për rritjen e çmimeve të makinave, të birrës, të pushimeve dhe të mishit. Dhe kjo prej 15 vjetësh.
Forcat e pakontrolluara të natyrës
Më shumë se gjysma e gjermanëve kanë frikë prej forcave të pakontrolluara të natyrës, si përmbytjet, stuhitë apo tërmetet. Shkaku: Jo ndaj çdo fatkeqësie natyrore mund të sigurohesh tek shoqëritë e sigurimeve.
Frikë nga pleqëria
Frika nga pleqëria dhe nevoja për shërbim dhe hyzmet në këtë moshë ka më shumë se gjysma e të anketuarve. Kjo nuk është çudi se nga njëra anë gjermanët janë popullsi në plakje dhe nga ana tjetër edhe jetëgjatësia në Gjermani është rritur.
Rreziku nga jashtë
Edhe pse në Gjermani po diskutohet që vendi të jetë më i pranishëm në rajone krize dhe lufte dhe flitet shpesh për një kërcënim të mundshëm terrorist, frikë nga sulmet terroriste kanë sipas anketës më pak se 40 për qind e të anketuarve.
Bundeswehr-i dhe luftërat në botë
Qeveria gjermane po furnizon kurdët në Irak me jelekë antiplumb dhe së shpejti edhe me predha antitank. Pak më shumë se një e treta e të anketuarve janë të shqetësuar për pjesëmarrjen e mundshme të ushtarëve gjermanë në luftëra jashtë vendit.
Papunësia në Gjermani
Frikë gjermanët kanë edhe se mos mbeten të papunë, sidomos në kohët e sotme kur prej krizës po shkurtohen mjaft vende pune.
Kriminaliteti
Njoftimet e shpeshta për vepra penale në media dhe pakësimi i kontrolleve kufitare nxisin tek gjermanët edhe frikën për vepra të ndryshme penale si vjedhje apo grabitje.