Mërgata shqiptare faktor zhvillimi

Përfaqësues të institucioneve nga Kosova dhe Shqipëria bashkëbiseduan me përfaqësues të mërgatës shqiptare në Gjermani për mundësitë që mërgimtarët të ruajnë lidhjet kulturore dhe gjuhësore me vendet e prejardhjes si dhe se si ata mund të kontribuojnë përtej dërgesave të parave për zhvillimin ekonomik të këtyre vendeve.

Ç'rol mund të luajë diaspora shqiptare në zhvillimin e vendeve të prejardhjes, sidomos për zhvillimin ekonomik dhe përmirësimin e kushteve në këto vende? Si mund t'i orientojnë mërgimtarët investimet e tyre në Kosovë dhe Shqipëri? Cilat janë fushat pritoritare të investimeve në Kosovë? Këto janë disa nga pyetjet të cilave u jep përgjigje në mikrofonin e DW-së ministri i Zhvillimit Ekonomik të Kosovës, Valdrin Lluka.