Lammert kundër izolimit e për një Evropë të fortë
12 Shkurt 2017Në fjalën e tij Presidenti i Bundestagut, Norbert Lammert vlerësoi ndër të tjera Presidentin e Gjermanisë që po largohet nga detyra, Joachim Gauck.
"Solidariteti i qytetarëve dhe qytetareve me njërin tjetrin ishte shumë i rëndësishëm për ju", tha Lammert. Gauck kërkoi me këmbëngulje nga shoqëria që as të mos frikësohet, as të mos përçahet, edhe në kohët e rreziqeve terroriste.
Lammert bëri thirrje për një Evropë të fortë. Ai e paralajmëroi Presidentin amerikan Donald Trump për rreziqet e izolimit. "Ai që kërkon izolim në vend të botës së hapur dhe që e mbyll veten me plotëkuptimin e fjalës pas mureve, ai që fokusohet te proteksionizmi në vend të bashkëpunimit dhe që predikon në vend të bashkëpunimit të shteteve politikën e izolimit" dhe që e kthen në program "Ne të parët" nuk duhet të çuditet nëse të tjerët veprojnë ngjashëm me të", tha Lammert.
Pjesa më e madhe e më shumë se 1200 anëtarëve të Asamblesë Federale të pranishëm në sallë, me përjashtim të partisë Alternativa për Gjermaninë, AfD, u ngrit në këmbë dhe duartrokiti për fjalët e politikanit të CDU-së, Norbert Lammert. AUD