1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Koment i FAZ: Brexiti gabim mjaft i rëndë

Klaus-Dieter Frankenberger
27 Janar 2018

Ai që me vendimin e tij për referendumin e Brexitit shkaktoi daljen e Britanisë së Madhe nga BE, ish-kryeministri britanik David Cameron e pranon pjesërisht gabimin.

https://p.dw.com/p/2rZaU
London Premier David Cameron verlässt Downing Street
Jo katastrofë, por gabim - ky është gjykimi që jep sot ish-kryeministri britanik Cameron për Brexitin.Fotografi: picture-alliance/PA Wire/P. Toscano

Jo katastrofë, por gabim - ky është gjykimi që jep sot ish-kryeministri britanik Cameron për Brexitin. Gjithsesi, një gabim; kjo në një kohë kur shqetësimi në politikën e brendshme në Britaninë e Madhe është në lidhje me "pranimin", se skenaret e përmbysjes së botës të atyre që kanë ngulur këmbë që Britania e Madhe të qendronte në BE, nuk u bënë realitet. E vërtetë, nuk ndodhi recesion, nuk ndodhën pushime masive nga puna.

Frankenberger Klaus-Dieter Kommentarbild App PROVISORISCH
Klaus-Dieter Frankenberger

Por paundi e ka humbur dukshëm vlerën. Shumë e vështirë, përsa i përket zhvillimit ekonomik, do t'ia dilet mbanë, parashikon Cameroni. Kush e di. Kur dy vjet më parë ai vendosi të zhvillonte referendumin për Brexitin, për t'a hequr qafe njëherë e përgjithmonë këtë temë për partinë e tij, pasi priste të fitonte kampi i BE, ai bëri gabimin më të madh të jetës së tij. E vlerësoi kryekëput gabim atmosferën në vend. Fushata e tij elektorale vuajti nga mungesa e besueshmërisë: për vite të tëra, Cameroni ishte hequr si euroskeptik - kurse pastaj papritur anëtarësia e Britanisë së Madhe në BE u bë me rëndësi ekzistenciale. Valët e zemërimit së shpejti do të bien.