Kështu festohet Viti i Ri në botë
Është e njëjta festë kudo: Ndarja nga njëri vit dhe pritja e vitit tjetër. Ndërrimin e viteve e feston e gjithë bota. Njerëzit dëshirojnë të kenë fat dhe mbarësi. Por ritualet janë të ndryshme.
Gjermani
Është kënaqësi të hash fondue me miq. Momenti kulminant është ora 12:00 fiks, kur hidhen fishekzjarre pa fund. Atëherë kërcasin shishet e shampanjës, njerëzit përqafohen dhe i urojnë njëri-tjetrit nga zemra lumturi dhe shëndet. Pastaj shpesh i hidhet një sy fatit në të ardhmen, në formën e plumbit të shkrirë. Festime të mëdha bëhen në qiell të hapur në Berlin përreth portës së Brandenburgut.
Brazil
Shumica e njerëzve natën e Vitit të Ri heqin dorë nga rrobat me ngjyra. Nata më e bukur e vitit festohet zakonisht me të bardha. Ngjyra e paqes, e pastërtisë dhe e pafajësisë premton një fillim të mirë të vitit. Ky zakon afrikan vjen në Brazil nga adhurimi i mbretereshës së detrave, Yemanja, që adhurohet në Afrikë në këtë ditë.
Spanja
Dymbëdhjetë kokrra rrushi në mesnatë: Natën e Vitit të Ri dymbëdhjetë goditjet e orës së kullës në sheshin Puerta del Sol në Madrid transmetohen në mbarë vendin në televizion. Për çdo goditje njerëzit hanë nga një kokërr rrush. Çdo kokër për një dëshirë për vitin e ri. Kjo sjell fat. Për të moshuarit në disa zona ka rrush që në orën dymbëdhjetë të mesditës.
Australia
Gjithmonë i bukur: Spektakli i fishekzjarreve mbi portin e Sydneyt. Madje ka dy spektakle shumëngjyrëshe: një në orën 21 për familjet dhe një në mesnatë. Në kontinentin e pestë në ndërrimin e viteve janë të detyrueshme në televizion plazhi, barbecue me miqtë dhe fishekzjarret mbi Sydney Harbour Bridge.
SHBA
Në jug të SHBA natën e Vitit të Ri hahen thjerrëza. Ngaqë ato duken pak si monedha, premtojnë lumturi dhe para. Viti i Ri pritet në të gjithë vendin me spektakle madhështore fishekzjarresh. Diçka e jashtëzakonshme është festa në Times Square në New York - Parada e New Years Eve. Me pjesëmarrjen e shumë yjeve dhe yjëzave nga show biznesi.
Rusi
Me ditën e fundit të vitit nis një fazë dhjetëditëshe festimesh. Natën e Vitit të Ri baba Acari dhe shoqëruesja e tij Snjeguroça sjellin dhuratat. Në të gjithë vendin ka festë Jolka. Familja ulet së bashku rreth pemës së Vitit të Ri për të ngrënë. Pas fjalimit të presidentit në televizion ngrihet dolli për Vitin e Ri. Festohet edhe jashtë, si këtu në Moskë në Sheshin e Kuq.
Tatarstan
Baba Acari dhe vajza prej bore Snjeguroçka sjellin më 31 dhjetor edhe në Republikën Ruse të Tatarstanit dhurata për fëmijët. Këtu, ku takohen orienti dhe oksidenti, jetojnë së bashku në paqe familje ortodokse ruse dhe grupe etnike myslimane. Por në vitin 2011 pati përpjekje nga islamistët për ta bojkotuar vitin e ri "pagan".
Britania e Madhe
Thuajse askush nuk ndez fishekzjarre për Vitin e Ri. Por fishekzjarre të organizuara ka natyrisht edhe në Britaninë e Madhe. Më të mëdhatë janë në karuzelin e madh të Londrës "London Eye". Atje vit për vit qindra mijëra njerëz kundrojnë me admirim lojën e mahnitshme të dritave. Spektakli transmetohet edhe drejtpërdrejt në televizion.
Bullgari
Viti i Ri pritet me rrahje të shpinës. Kjo sjell shëndet dhe pasuri. Fëmijët shkojnë shtëpi më shtëpi dhe i qëllojnë banorët në shpinë duke i uruar një vit të ri me shëndet, me pasuri dhe lumturi. Ditën e Vitit të Ri bullgarët përzënë shpirtrat e këqinj. Burra të veshur si përbindsha "kukeri", kërcejnë në grupe të mëdha dhe trembin vampirët.
Afrika e Jugut
Njerëzit e nisin vitin e ri me karnaval. Me mijëra vetë festojnë si këtu në rrugët e Johannesburgut Vitin e Ri. Kulmi i festimeve është më 2 janar, kur karvani i grupeve karnavaliste me shumë daulle e trompeta kalon nëpër Kapstadt. Ky spektakël vjen nga "emancipation day", dita e lirimit të skllevërve në Afrikën e Jugut në vitin 1830.
Holanda
Për Vitin e Ri janë traditë të shtënat me karbid. Ato fillojnë në orën 10 paradite dhe dëgjohen gjithë ditën. Eshtë një ritual i Vitit të Ri, për të përzënë shpirtrat e këqinj. Në një për qumësht futen karbid dhe ujë. Në këtë mënyrë krijohet një përzierje gazi shpërthyes. Ai ndizet, nga shpëthimi kapaku, ose topi i futbollit mund të kërcejnë deri në 70 metra largësi.
Japoni
Para ndërrimit të viteve bëhet pastrimi i madh për Vitin e Ri, shtëpia duhet të jetë e pastër. Në ndërrimin e viteve hahen mochis. Topat prej orizi sjellin lumturi dhe jetë të gjatë. Para mesnatës ora godet 108 herë. Me këto goditje japonezët dëbojnë 108 të këqiat. E preferuar është edhe loja me kërcime "kemari" në kostume, që luhet në fillim të vitit të ri.
Francë
Nuk ka fishkezjarre me ngjyra. Në shumicën e qyteteve Viti i Ri kalohet në qetësi. Shumë francezë takohen vetëm me shokët dhe të afërmit për të ngrënë darkë. Në vend të fishekzjarreve Viti i Ri pritet me shampanjë. Sidomos në zonat bregdetare është zakon larja tradicionale e Vitit të Ri.
Greqi
Fishekzjarret me ngjyra nuk janë shumë të përhapura për Vitin e Ri. Familjet luajnë në shtëpi letra dhe lojra të tjera. Kush fiton, ka fat gjatë gjithë vitit. Interesant bëhet edhe një herë më 6 janar. Besimtarët festojnë pagëzimin e Jezusit duke u hedhur në ujë. Ky rit shërben edhe për të dëbuar demonët.
Itali
Shumë të preferuara janë koncertet e Vitit të Ri në qiell të hapur në Romë. Gjithashtu e domosdoshme është që natën e Vitit të Ri të mbahen të brendshme të kuqe. Kush dëshiron të jetë i lumtur dhe i suksesshëm, duhet që Viti i Ri ta gjejë me të brendshme. Ushqimi tradicional është mish me thjerrëza, që sjell mbarësi dhe para.