1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Izraeli nuk pranon kompromis

Megjithë vendimin e konferencës së Anapolisit për fillimin e bisedimeve të paqes, Izraeli nuk pranon kompromis ndaj Hamasit dhe udhëheqjes palestineze. Ngulimet izraelite do të vazhdojnë të zgjerohen.

default

Kryeministri izraelit, Olmert me presidentin, Abaz në konferencën në Anapolis, SHBA

Olmert: "Operacionet kundër grupeve terroriste do të vazhdojnë"

Shefi i qeverisë izraelite Ehud Olmert e ka refuzuar ofertën e Hamasit për një armëpushim në Rripin e Gazës. Në mbledhjen javore të kabinetit qeveritar në Jeruzalem, Olmert deklaroi: "Operacionet kundër grupeve terroriste do të vazhdojnë, ashtu siç janë zhvilluar muajt e fundit. Ajo që po ndodh në Rripin e Gazës, nuk mund të përshkruhet ndryshe, po si një luftë e vërtetë mes forcave të armatosura izraelite dhe grupeve terroriste".

Aksionet ushtarake synojnë reduktimin e sulmeve me raketa të tipit "kassam" ndaj zonave jugore izraelite përreth Rripit të Gazës., deklaroi Olmert. Zëdhënësi i Hamasit ditën e dielë nga ana e tij përsëriti ofertën për armëpushim. Sipas tij në rast se Izraeli do të pezullojë "të githa format e agresionit, atëherë Hamasi nuk e përjashton armëpushimin". Kundërpërgjigja e Kryeministrit Olmert:
"Shteti i Izraelit nuk ka interes të zhvillojë negociata, të cilat refuzojnë pranimin e kërkesave themelore të kuartelit të Lindjes së Mesme. Kjo vlen për Hamasin, Xhihadin Islamik dhe për këdo tjetër".

Nga ana tjetër Izraeli megjithë kritikën ndërkombëtare ka vendosur për zgjerimin e ngulimeve në Har Homa dhe Ma´aleh Adumim, të cilat u ngritën pas pushtimit nga Izraeli të zonave palestineze në vitin 1967. Sipas mediave izraelite dhe radios ushtarake, fondet për vitin 2008 janë gati në ministrinë e ndërtimit të shtëpive. Në pjesën pjesën perëndimore të Jeruzalemit do të ngrihen 700 apartamente te reja.

Qëndrimi palestinez pas deklarimit izraelit

Udhëheqja palestineze i sheh këto plane si një pengese serioze për vazhdimin e negociateve të premtuara në konfrencën për Lindjen e Mesme në Anapolis para katër javësh. Nabi Abu Amri, këshillëtar i presidentit të palestinezëve ditën e dielë në Ramallah u shpreh:
"Unë mendoj se besueshmëria e Anapolisit do të matet me atë se çfarë do të bëjmë ne pas Anapolis dhe konferencës së donatorëve në Paris. Në rast se ka një shans për rifillimin e negociatave, atëherë jam i sigurtë se politika e ngulimeve bie ndesh me të."

  • Data 23.12.2007
  • Autor Clemens Verenkotte
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Cfa7
  • Data 23.12.2007
  • Autor Clemens Verenkotte
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Cfa7