Gjithnjë e më shumë të vdekur pas tërmetit në lindje të Turqisë
24 Tetor 2011Nën rrënojat supozohet të ndodhen shumë viktima të tjera. Më të prekura janë qytetet Van dhe Ercis në rajonin kurd pranë kufirit me Iranin. Fuqia e tërmetit njoftohet të ketë qenë 7.2 ballë. Ka pasur një seri tronditjesh të tjera.
Kryebashkiaku i qytetit Ercis, Zulfikar Arapoglu, i tha televizionit NTV, se disa godina janë shembur. "Ne kemi nevojë pë rndihmë urgjente", tha Arapoglu. Në Ercis jetojnë mbi 70.000 vetë.
Agjencia e lajmeve Anadolu njoftoi, se edhe në kryeqytetin e provincës Van në kufi me Iranin janë shembur shumë shtëpi. Atje jetojnë rreth 380.000 vetë. Ekipet e shpëtimit janë vënë në kërkim të të mbeturve nën rrënojat. Shumë njerëzve do t'u duhet si rrjedhojë ta kalojnë natën jashtë.
Irani, Azerbajxhani, Bullgaria, kanë premtuar të dërgojnë ndihmojë. Gjermania dhe Greqia kanë ofruar mbështetje, edhe Izraeli, edhe pse marrëdhëniet turko-izraelite janë të tensionuara aktualisht. Në Turqi, tërmetet nuk janë të rralla, meqenëse vendi shtrihet në disa linja tërmetesh. Në vitin 1999 nga dy tërmete të forta në veri-perëndim të Turqisë, me popullsi të dendur, patën humbur jetën rreth 20 000 vetë.
Autor: DW/ Angelina Verbica
Redaktoi: Aida Cama