1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Gjermania zgjedh parlamentin - Shifra dhe fakte

62,2 milionë gjermanë janë thirrur sot, të djelën 27 shtator që të zgjedhin parlamentin e ri, Bundestagun. Ky do të jetë parlamenti i pestë gjithëgjerman, që zgjidhet nga Gjermania në lindje dhe perëndim.

Gjermania zgjedh parlamentin

Gjermania zgjedh parlamentin

Mes votuesve me të drejtë vote gjenden 3,5 milionë vetë që votojnë për herë të parë. Qytetarët gjermanë do i japin votat e tyre në 88 000 qendra votimi. Këtyre u shtohen edhe 10 mijë qendrat e votimit me postë.

Partitë

Në zgjedhje u lejuan të marrin pjesë 29 parti. Gjashtë prej tyre e kanë të sigurt vajtjen në parlament, Unioni Kristiandemokrat dhe partia simotër e Bavarisë, Unioni Kristiansocial, Partia Socialdemokrate e Gjermanisë, Liberalët, Të gjelbrit dhe Partia e Majtë. Megjithatë asnjë nga këto parti nuk do të marrë shumicën e votave e vetme. Me siguri pas zgjedhjeve parlamentare dy ose më shumë parti do të bashkohen në koalicione.

Për Deutsche Wellen llogaritjet e të dhënave dhe shifrave të zgjedhjeve parlamentare i bën Infratest Dimap

Për Deutsche Wellen llogaritjet e të dhënave dhe shifrave të zgjedhjeve parlamentare i bën Infratest Dimap

Unioni kristiandemokrat / kristiansocial dhe liberalët e FDP-së përpiqen të krijojnë një koalicion mes tyre. Edhe vazhdimi i koalicionit të madh mes Unionit Kristiandemokrat dhe socialdemokratëve është i mundshëm. Sipas llogaritjeve i mundshëm do të ishte edhe një koalicion mes tre partish, megjithatë ai nuk pranohet nga shumica e partive.

Parashikimet

Shumica e studiuesve të zgjedhjeve mendojnë se do të ketë mat, midis "kampit qytetar" të përbërë nga CDU/CSU dhe FDP nga njëra anë dhe kampit "të majtë" nga ana tjetër, i përbërë nga SPD, Të gjelbrit dhe partia e Majtë. Grupi studimor Zgjedhjet, që vlerëson votimet për televizionin e dytë gjerman ZDF, ka parashikuar fitore të koalicionit të konservatorëve dhe liberalëve.

Për Deutsche Wellen llogaritjet e të dhënave dhe shifrave të zgjedhjeve parlamentare i bën Infratest Dimap. Bashkëpunëtorë të insitutit që kanë zhvilluar javën e kaluar intervista me telefon me qytetarët, vlerësojnë se për zgjedhjet ekziston një interesim i madh. Por, një në tre qytetarë është i pavendosur kujt partie do t`ia japë votën.

Zgjedhësit

Edhe gjatë zgjedhjeve të fundit parlamentare interesimi i qytetarëve ishte i madh. Megjithatë vetem 77,7 përqind e qytetarëve me të drejtë vote dhanë në vitin 2005 votën e tyre. Rezultati ishte më i ulti në zgjedhjet parlamentare.

3,5 milionë vetë votojnë për herë të parë.

3,5 milionë vetë votojnë për herë të parë.

Fushata elektorale u zhvillua në kohën e një krize financiare të pashembullt, e cila i shkaktoi shqetësime të mëdha pjesës më të madhe të popullsisë. Megjithatë qytetarët nuk bëjnë përgjegjëse qeverinë për krizën. 67 përqind e të pyeturve pohuan se qeveria federale e ka drejtuar mirë Gjermaninë në kohën e krizës. Megjithatë 59 përqind druhen se ndodhen para kohrave më të këqija. Temat më të rëndësishme për zgjedhësit janë ngritja dhe sigurimi i vendeve të punës, gjendja ekonomike, arsimi dhe politika për familjen. Në sy të bie fakti që shumica e popullsisë e vlerëson principin e solidaritetit më lartë se principin e rendimentit dhe kërkon drejtësi sociale.

Autor : Betina Marx / Aida Cama

Redaktoi : Mimoza Cika - Kelmendi

  • Data 27.09.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/JpqU
  • Data 27.09.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/JpqU