Gjendja dramatike në Mesdhe nga peshkimi i pakontrolluar
Kuotat rigoroze të peshkimit të vendosura në Europë po japin efektin e duhur në Atlantik, në Detin e Veriut dhe në Balltik, por në Mesdhe gjendja është dramatike, sipas një studimi të publikuar tani në "Current Biology".
Në rrjetën e peshkimit bien gjithnjë e më shumë peshq të rinj
Një studim i publikuar në revistën shkencore "Current Biology" tregon, se në Mesdhe në periudhën 1990 - 2010 gjithnjë e më shumë është peshkuar peshk i njomë. Nëse peshqit nuk arrijnë moshën e maturimit, ato nuk mund të shtohen dhe rezervat e tyre pakësohen.
Në fokus nëntë lloje peshqish
Studiuesi grek i detit Paraskevas Vasilakopoulos ka vëzhguar për më shumë se njëzet vjet nëntë lloje peshqish dhe ka konstatuar një rënie të jashtëzakonshme të rezervave të tyre. Të prekur janë veçanërisht ato lloje peshqish, që kapen përmes peshkimit me rrjeta të mëdha.
Një burim ushqimi mjaft i kërkuar
Ndërsa në Detin e Veriut dhe në Atlantik masat mbrojtëse të BE-së po japin efekt ndaj sipërmarrjeve të mëdha të peshkimit, në Mesdhe qarkullojnë shumë peshkatarë të vegjël. Edhe përgjatë brigjeve është e vështirë që ato të kontrollohet.
Në garë për sasinë e presë
Studieusit mendojnë, se gjendja është e ngjashme edhe në detrat e tjerë në botë si p.sh. në detin jugor të Kinës, në Subsahara në Afrikë dhe në rajone të tjera tropikale. Në këtë fotografi është fiksuar një flotë gjigante kineze e nisur për peshkim.
Kuota në mbrojtje të popullsive
Në BE vendet anëtare çdo vit përmes bisedimesh të vështira vendosin kuota të caktuara peshkimi. Madje kufizime peshkimi vendosen edhe për sardelen më pak të rrezikuar. Peshkatarët në bazë të këtyre kuotave lejohen të peshkojnë aq sa të mos cënohet nataliteti për shkak të peshkimit pakontroll.
Konflikte kufitare dhe për të drejta peshkimi
Por në radhët e shteteve të BE-së ka edhe konflikte të hapura për peshkimin. Në këtë fotografi janë fiksuar peshkatarët spanjollë, të cilët protestojnë kundër një shkëmbi arfiticial nënujor të ndërtuar me blloqe betoni prej autoriteteve britanike në Gjibraltar. Si rrjedhojë peshkatarëve u dëmtohen rrjetat.
Rrjeta të thurura jo dendur
Nëse rrjetat e peshkimit ngatërrohen ato mbeten në fund të detit. Popullsitë e peshqve mund të mbrohen nëse rrjetat nuk janë të thurura dendur, sepse peshqit e njomë mund të dalin prej tyre. Për këtë arsye shumë shtete e ndalojnë përdorimin e rrjetave të denduara. 75 përqind e rezervave të peshkut në mbarë botën ndërkohë janë konsumuar.
Peshku udhëton përreth botës
Peshku i freskët ka kohë që nuk do të thotë ta hash atë sapo është kapur. Përmes metodave moderne të ruajtjes në të ftohtë peshku nga Azia, Afrika apo nga Paqësori rëndom përfundon vetëm pas pak ditësh i servirur në pjatë në Europë - sepse transporti realizohet me avionë. 90 milionë ton ushqim nxirret çdo vit nga deti.
Peshk i mbarështuar për eksportin
Disa shtete kanë zhvilluar procesin e mbarështimit të peshkut duke e gjetur këtë si një degë lukratike të ekonomisë. Peshqit e kultivuar në këta impiantë në Vietnam kryesisht janë prashikuar për eksportin. Rreth një milionë ton është prodhimi vjetor i filetos së pangasiusit.
Sa i shëndetshëm është salmoni?
Por kultivimi i peshkut qoftë në ujrat natyrore ose pranë tyre është i diskutueshëm, si p.sh. në këtë fotografi marrë në Rusi: salmoni ushqehet me miell peshku. Por për ta përgatitur miellin fillimisht duhet zënë peshku: rreth katër kg. sardele për një kg. slamon. Gjithashtu kultivuesit e ndosin ujin e rezervatit me lëndë ushqyese dhe me antibiotikë.
Peshk i freskët direkt në pjatë?
Por ende ekzistojnë edhe peshkatarët e vegjël, që mallin e tyre e shesin në vend, si në këtë fotografi, që tregon tregun e peshkut në Mauritani. Edhe këta peshkatarë ndodhen nën presionin e flotave të mëdha industriale. Arsyeja është, se peshkimi është i mundur vetëm në 5% të sipërfaqes së detit në zonat pranë brezit bregdetar.