Duelet e gjigandëve të futbollit: Gjermani - Angli

Bëhet fjalë për ndeshjen e katërt miqësore të kombëtares gjermane dhe e dyta kundër Anglisë. Rezultati 0:9 në Oksfod. 6.000 tifozë e ndoqën dështimin më të madh deri më sot të kombëtares gjermane. Historianët e futbollit grinden për datën. Zyrtarisht jepet 16 marsi, por si është e mundur që gazetat raportuan për të që më 14 mars?

...atë nuk e tregojmë këtu se dihet. Ndërkohë dihet po ashtu se topi i Geoff Hurst nuk ka qenë brenda. Në finalen e Botërorit 1966 në Londër futbollisti i mbrojtjes gjermane, Wolfgang Weber me barazimin 2:2 e zgjati ndeshjen. Pjesë tjetër është histori: Anglia fiton titullin e madh të vetëm 4:2 kundër gjermanëve të zhgënjyer.

Duhen 59 vjet, 13 ndeshje që Gjermania të fitojë për herë të parë kundër Anglisë. Kush tjetër veç "perandorit" Beckenbauer do ta gjuante golin fitues në 1:0 në Hanover? Shumë tifozë thonë se ka qenë një nga duelet më të dobta të dy rivalëve të vjetër.

Skuadra gjermane është në disavantazh 0:2 në Leon të Meksikës, kur Franz Beckenbauer dhe më pas kapiteni, Uwe Seeler bëjnë golat. Seeler e bën golin me një gjuajtje pas koke përmbi portierin Peter Bonetti. Në minutat shtesë Gerd Müller e çon me golin tjetër Gjermaninë në gjysmëfinale kundër Italisë. Por këtu shtegtimi i fitoreve përfundon.

"Pas kësaj fitoreje 3:1 nuk ka më shkallë tjetër sipërore", e vlerësoi suksesin e parë të kombëtares gjermane në Wembley, Paul Breitner. Ishin kolegët e tij, Uli Hoeneß, Günter Netzer dhe Gerd Müller bënë golat. Në çerekfinalen e Kampionatit Europian zhvilloheshin asokohe edhe ndeshje kthyese. Dy javë më vonë në Berlin pason barazimi 0:0 dhe më vonë titulli për gjermanët.

Në vitin 1982 - ka edhe raunde të ndërmjetme mes kampionateve botërorë. Në grupin gjerman: Spanja dhe Anglia. Me rezultatin 0:0 kundër Anglisë, Manfred Kaltz, Ulli Stielike dhe Hans-Peter Briegel (poshtë, nga e majta në të djathtë) krijojnë terrenin, më vonë fitojnë 2:1 kundër Spanjës dhe me 11-sh kundër Francës futen në finale, por fitoren e fundit e merr Italia, 3:1.

"Parimisht çdo skuadër mund të fitojë me 11-sh kundër tjetrës, përveçse kur Gjermania luan kundër Anglisë", shprehet i dëshpëruar, Gary Lineker. Stuart Pierce (foto) dhe Chris Waddle në ndeshjen gjysmëfinale tregojnë maturi, edhe mbrojtja gjermane mbetet gjakftohtë në fitoren 4;3 me 11-sh. Më parë i kishin bërë golat Andreas Brehme dhe Lineker.

Çdo gjë gati për titullin e dytë të anglezëve. Në Kampionatin Europian ata ndodhën në gjysmëfinale në vendin e tyre. Por problemi është se kundërshtari i ri është Gjermania. Pas 90 minutave dhe lojës shtesë skuadrat ndodhen para 11-metërshit. Gareth Southgate dështon para Andreas Köpkes dhe Gjermania fiton në finale kundër Çekisë.

Ndeshja e fundit në stadiumin e famshëm Wembley. Në kualifikimin për Kampionatin Europiane mikpritësit duan të fitojnë kundër Gjermanisë para se arena e futbollit të zëvendësohet me një stadium modern. Por Didi Hamann (Nr.10) i prish planet. Është legjionari i Anglisë me goditjen e tij që vulos fundin me rezultatin 1:0

Kjo mund të quhet një fitore spektakolare. Kur gjermanët në kualifikimin për në Botëror ishin në avantazh me golin e Carsten Jancker, Anglia shton forcat. Michael Owen (majtas), Steven Gerrard (djathtas) dhe Emile Heskey i japin një goditje të dhimbshme Gjermanisë 1:5. Owen bën madje 3 herë gol. Por është fitorja e fundit e "tre luanëve" kundër Gjermanisë.

Jemi në çerekfinalen e Kampionatit Botëror në Afrikën e Jugut. Minuta e 40, rezultati: 2:1 për Gjermaninë. Paul Lampard godet, topi kërcen nga trau e për të gjithë ishte dukshëm në rrjetë. Për të gjithë, por jo për arbitrat. Goli nuk quhet! Thomas Müller me dy golat e tij në fund e thellon rezultatin në 4:1 për Gjermaninë. Anglezët shajnë, në Gjermani kujtohet Wembley i '66-s...

Është një ndeshje miqësore, por ndeshjet në Wembley kanë të bëjnë më shumë me prestigjin. 1:0 gol i Per Mertesacker (foto) sjell fitoren e gjashtë në radhë të gjermanëve në "katedralen e futbollit". Gjermania fiton megjithë se trajneri Joachim Löw nuk i ka më të mirët si Manuel Neuer, Philipp Lahm, Bastian Schweinsteiger apo Mesut Özil.