Dhjetë atraksionet më të preferuara të botës

Për nga sipërfaqja, Katedralja e Milanos është kisha e tretë në botë. Brenda saj, vizitorin e presin më shumë se 2000 skulptura.

Ai që viziton National Mall në Washington D.C. në kryeqytetin e SHBA, patjetër që kalon këtu: te Lincoln Memorial, në këmbët e të cilit shtrihet një liqen artificial, që reflekton dritën.

Një vepër mjeshtërore e artit të ndërtimit maur është kështjella e qytetit Alhambra në Granadë. Ajo bën pjesë në trashëgiminë botërore kulturore të UNESCO-s dhe është një nga kuriozitetet turistike më të vizituara të Evropës.

Me ngjyra të gëzuara dhe e zbukuruar me ornamente të shumta: kisha e ringjalljes në Shën Petersburg u ndërtua sipas modelit të së famshmes Katedrale e Basilit në Moskë.

Arti maur dhe arti i krishterë bashkohen në këtë vepër ndërtimi, në njërën prej ndërtesave më të mëdha fetare të rruzullit. E ngritur në shekullin e 8-të si xhami, Mezquita është sot katedralja romano-katolike e Cordobës.

E ndërtuar nga Moguli i madh Shan Jahan, si mauzoleum për dashurinë e jetës së tij, Taj Mahali në Agra është një nga shembujt më të bukur të stilit Mogul.

20.000 pelegrinë e vizitojnë çdo ditë Katedralen e Shën Pjetrit, guri i parë për ndërtimin e së cilës u vu në vitin 1506 dhe e cila u ndërtua për rreth 120 vjet. Për besimtarët e së gjithë botës, Katedralja e Shën Pjetrit konsiderohet si vendi i shenjtë i kishës romano-katolike.

Kompleksi gjigand i tempujve është një dëshmi impresionuese e kulturës Kmer. Mendohet se ajo është ndërtuar në shekullin e 12-të.

Xhamia monumentale e Sheikut Zaid në Abu Dhabi ofron vend për 40.000 besimtarë. E stolisur me mijëra kristale Svarovski, ajo të impresionon me prarimin e saj të shkëlqyer.

Dhe ky është kurioziteti më i preferuar në renditjen e Trip Advisor: qyteti i reve, Machu Pichu. Atë e kanë ndërtuar inkasit në Ande, në lartësinë 2500 metra, në shekullin e 15-të.