Birmani : Ushtria e paaftë të menaxhojë krizën

Persona privatë nga Ranguni ndërkohë janë nisur për të ndihmuar njerëzit në nevojë me ujë të pijshëm dhe ushqime. Siç njoftojnë korrespondentët nga ushtria që pretendon ta menaxhojë e vetme krizën e rëndë nuk duket asnjë gjurmë ndonëse kanë kaluar 11 ditë prej fatkeqësisë natyrore. Junta ushtarake ende vazhdon të llogarisë me mëse 60.000 të vdekur.

Në deltën e lumit Irravadi forcat e ndihmës dhe ato të shpëtimit vazhdojnë përpjekjet për depërtimin në zonat e prekura nga cikloni. Në qytetin port Laputa shërbimi humanitar i Maltezëve ka krijuar klinika ambulante. Por megjithatë nddihma është e kufizuar. Sepse junta ushtarake i pengon organizatat e huaja të ndihmës në punën e tyre. Në zonën e katastrofës lejohen vetëm ekipet vendase të shpëtimit. Marcus Prior nga programi i OKB-së për ushqimin thotë: "Organizatat e ndihmës llogarisin që janë vënë në veprim vetëm 10 përqind e personelit dhe materialit për ndihmat. Ne duhet të shpërndajmë çdo ditë rreth 375 ton ushqime në rajonet e prekura më shumë prej ciklonit, por arrijmë të realizojmë vetëm 20 përqind të këtyre nevojave."

Sipas orgaanizatës së OKB-së për ushqimin në deltën e lumit kanë nisur të shfaqen edhe simptomat e para të sëmundjeve. Veçanërisht të rezikuar janë fëmijët, thotë Richard Bridel, drejtori rajonal i organizatës së ndihmës për fëmijët UNICEF: "Ne jemi mjaft të shqetësuar, që po rritet në mënyrë dramatike rastet e sëmundjeve prej mungesës së ushqimit. Gjatë ditëve dhe javëve të ardhëshme ne duhet të hetojmë me saktësi situatën dhe të traajtojmë fëmijët e prekur. Nëse atyre nuk u jepet ndihmë rezikohen nga vdekja."