Avionët më të shpejtë të botës
Berlin-Nju Jork brenda dy orësh. Tingëllon e pamundur, por është e mundur. Me një avion si Lockheed SR-71, për shembull, që mbush 50 vjetorin. Me këtë rast tregojmë pilotin më të shpejtë në botë.
Më i shpejti
I planifikuar për t'u bërë avion gjuajtës, SR-71 pati më 22 dhjetor 1964 fluturimin e parë. Me më shumë se 3500 km/orë avioni ngjitej deri në 25 km lartësi. Avioni i pagëzuar "Blackbird" u ndërtua 32 herë, në vitin 1998 u nxor jashtë shërbimit avioni i fundit. Dymbëdhjetë avionë humbën në aksidente.
Furnizim në ajër
Një Lockheed SR-71 duke u furnizuar në ajër. Avioni i përgatitur nga metali i rrallë titan u përdor në fillim nga US Air Force, më vonë me të bëri eksperimente edhe autoriteti i fluturimeve hapësinore NASA. Avioni shërbeu në luftën e ftohtë para së gjitash për fluturime zbulimi.
Fillimet
Që në vitet 1940 SHBA ndërtuan avionin e parë supersonik: Bell X-1. Më 14 tetor 1947, piloti Charles Yeager arriti të kryjë në X-1-in e quajtur prej tij "Glamorous Glennis" fluturimin e parë supersonik me pilot. Avioni arriti një shpejtësi prej 1255 km/orë në një lartësi prej 12.800 m.
Me motor rakete
X-15 ishte më tepër një raketë hapësinore si një avion. Ai arriti shpejtësinë mbi 7000 km/orë dhe u ngjit në një lartësi mbi 107 kilometra. Megjithatë këto qenë fluturime eksperimentale, jo misione të rregullta si te SR-71. Piloti më i njohur i tyre ishte me siguri Neil Armstrong, i cili në vitin 1969 ishte i pari, që shkeli në Hënë.
XF8U-3 Crusader III
Sidoqoftë, shpejtësinë 2300 km/orë e arriti XF8U-3 Crusader III. Avioni luftarak arriti në këtë mënyrë një shpejtësi 2,3 herë më të lartë se ajo e zërit. Ky avion u përdor që prej vitit 1958, por nga ky avion u ndërtuan vetëm pesë ekzemplarë.
SU-27SMK
Jo vetëm amerikanët dinin të ndërtonin avionë të shpejtë. Në Luftën e Ftohtë u përzie edhe Bashkimi Sovjetik në garën e shpejtësive. SU-27SMK u zhvillua në vitet shtatëdhjetë dhe fluturimin e parë e pati më 1985. Avioni arrin një shpejtësi prej 2500 km/orë dhe veç kësaj është rezistent: edhe sot niset në misione SU-27SMK.
Rekordmen pa pilot
Deri sot kërkohet në teste rekordi i shpejtësisë. NASA ka me X-43 një avion eksperimental, i cili fluturon megjithatë pa pilot. Në vitin 2004, X-43 i ndërtua nga Boeing arriti me shpejtësinë 11.800 km/orë një rekord të ri - një shpejtësi, e cila është e vështirë të kontrollohet nga njeriu normal.
Concorde
Nëse fillimisht avionët supersonikë u ndërtuan për synime ushtarake, prej 1976 ata i shërbyen aviacionit civil: Concorde fluturoi para së gjithash midis Evropës dhe SHBA. Me një shpejtësi prej 2100 km/orë atij i duheshin 3,5 orë nga Londra në New York. Megjithatë përdorimi i këtij avioni nuk qe i leverdisshëm. Rrëzimi i një Concorde me 113 vetë në bord në vitin 2000 shënoi fundin e kësaj epoke.