150 vjet Bayer
Kompania farmaceutike hedh vështrimin në të shkuarën prej një shekulli e gjysmë. Krahas zhvillimit të aspirinës edhe heroina ishte zbulim i laboratorëvë në Leverkusen. Gjatë nazizmit Bayer kaloi një moment të keq.
Friedrich Bayer: themeluesi i kompanisë Bayer
Sëbashku me mikun e tij, Johann Weskott, Friedrich Bayer (në foto) themeloi një kompani të vogël në Wuppertal. “Frider. Bayer et comp.“ prodhoi ngjyra artificiale. Miqësia mes dy burrave u zhvillua në një kompani kimike globale.
Zyrat kryesore: nga dhoma e ndenjes në koncern global
Kompania u themelua në shtëpinë e Friedrich Bayer në Wuppertal dhe zyrat e saj ishin po në këtë shtëpi. Produktet e para ishin ngjyrat industrirale, që në atë kohë konsideroheshin mall luksi.
Hapat e parë: tre burra duke ngjyrosur
Tre burra u punësuan në proceset e ngjyrosjes në vitin e parë. Kjo është fotografia më e vjetër që tregon forcat punëtore. 20 vjet më vonë kompania do të kishte më shumë se 300 punëtorë, ndërsa sot ajo numëron më shumë se 11 mijë.
Fenacetina: ilaçi për të marrë veten pas dehjes
Në Elberfeld, Bayer prodhoi ilaçin e parë kundnër dhimbjeve të kokës. Për shkak të efekteve anësore jo të mira, fenacetina u hoq më vonë nga tregu
Fabrika e Alizarin: e kuqe e ndezur në vend të bardh e zisë
Ngjyrat e fotografisë të krijojnë një përshtypje të gabuar për fabrikën Alizarin buzë Rinit, që prodhonte ngjyrë të kuqe. Bayer bleu ndërtesat e fabrikës në fund të shekullit të 19-të dhe instaloi aty zyrat qendore. Edhe para Luftës së Parë Botërore, kompania kishte një shtrirje globale.
Narkotikët: heroina si ilaç për mushkritë
Gjithashtu para Luftës së Parë Botërore Bayer mori patentën për substancën diacetilmorfinë. Në një fushatë ndërkombëtare publiciteti, droga promovohej si ilaç për tensionin e lartë të gjakut, ethet dhe sëmundjet e mushkrive. Përdorej gjithashtu edhe si zbutës dhimbjesh për ushtarët e plagosur. Pas Luftës së Dytë Botërore heroina u ndalua.
Zyklon B: ana e errët e gjigantit farmaceutik
Në vitin 1925 Bayer u bë pjesë e IG Farben, ku u përfshi në prodhimin e pesticidit Zyklon B. Në Aushvic dhe në kampe të tjera ekzekutimi, kimikati u përdor për të vrarë të burgosurit. Të burgosurit në kampet e përqendrimit detyroheshin të punonin në fabrikat e Bayer. Rreth 4300 punonin vetëm në Leverkusen në vitin 1943.
Penecilina: prodhim në masë kundër epidemive
Pasi u rithemelua në vitin 1950, Bayer filloi prodhimin në masë të penecilinës, që ishte zbuluar nga skocezi Alexander Fleming. Infeksionet bakteriale, sifilizi dhe turbekulozi nuk ishin më vdekjeprurës dhe ilaçi ishte i përballueshëm për masën.
Dralon: "Vajzë e vogël, sy të mëdhenj..."
Kështu shkruhej në një poster të pas luftës. Me tekstilin prej fibre Dralon, Bayer pushtoi edhe faqet e para të revistave të modës, si “Silberfarben” në vitin 1959. Fabrika vazhdon të prodhojë edhe sot tekstile, por më shumë mbulesa tavolinash dhe çadra.
Aspirina: ilaçi më i shitur, por me rreziqe
Kur anija kozmike Apollo 11 mbërriti në Hënë në vitin 1969, në bordin e saj ishte një kuti jeshile: aspirina. Çdo vit shiten më shumë se 11 miliard tableta në më shumë se 70 vende të botës, edhe pse ky medikament mund të jetë i rrezikshëm për fëmijët. Aspirina është një nga burimet krysore të të ardhurave prej miliarda eurosh të Bayer.
Bayer 2013: gjiganti farmaceutik botëror
Ajo që nisi në një dhomë ndenjeje 150 vjet më parë sot është një park kimik që mbizotëron në Leverkusen dhe një kompani që gjeneron çdo vit më shumë se 40 miliardë euro fitime.