Уапсен осомничениот напаѓач на француските војници
9 август 2017Веста за апсењето попладнево ја соопшти францускиот премиер Едуар Филип. Агенцијата Ројтерс, повикувајќи се на судски извори, јавува дека при апсењето осомничениот не бил вооружен. Еден полицаец е повреден од заскитан куршум. Престрелката се одвивала на автопатот А 16, во насока на Кале.
Во нападот со автомобил врз воена патрола во Левалоа-Пере, предградие на Париз, тешко беа повредени двајца, а полесно четворица француски војници. Возилото „многу брзо“ се втурнало во групата војници во момент кога тие излегувале од касарната, сoопшти градоначалникот на Левалоа-Пере, Патрик Балкани. Истрагата за терористички мотивиран напад ја презеде антитерористичкиот оддел на Обвинителството во Париз.
Нападнатите војници се дел од антитерористичката операција Сентинел, која почна по исламистичкиот напад врз сатиричниот магазин „Шарли Ебдо", во јануари 2015 година. Во рамките на мисијата, низ Франција се распоредени 7 до 10 илјади војници.