Реклама

Запознајте ги Лицата на Германија!

Репортерите на Дојче веле документираат како живеат луѓето во Германија. Многуте лични портрети даваат слика за германското општество како целина.

https://p.dw.com/p/13vNF

Реклама

Прескокни го блокот Теми

Теми

Сточарот Јакоб Милер од Кимското езеро

Јакоб Милер е сточар. Заедно со сопругата имаат фарма. Сточарот Милер, кој е многу поврзан со природата, е среќен што живее на Кимското езеро. Тој живее таму каде што другите одат на одмор.

Возач на автобус Марион Тома од Аугсбург

„Секој ден е различен“, вели Марион Тома. Тоа звучи речиси филозофски, зашто жената-возач на автобус секој ден ја поминува истата релација во Аугсбург. За промена - џогира секој ден.

Изработувачот на едра Нилс Молкентин од Кил

Нилс Молкентин е во својот елемент кога е на, или покрај вода. Хобито на страстниот сурфер стана негова професија. Тој произведува и поправа едра. Од оние кои веќе не може да се спасат, шие чанти.

Акушерката Дорис Берендс од Бад Залцунген

Отсекогаш сонувала да стане акушерка. Дорис Берендс повеќе од 30 години им помага на децата да дојдат на свет. Иако била сведок на илјадници раѓања, секој нов живот за нејзе е како чудо.

Комуналниот работник Михаел Шпекин од Хамбург

Станувањето рано наутро е стресно? Комуналниот работник од Хамбург Михаел Шпекин е уверен во спротивното. Животен квалитет за него е кога наутро има време за едно кафе, цигара и разговори.

Продавачката Марина Паул од Вајтерштат

Пред шест години Марина Паул се преселила од рускиот Саратов во Германија. Атрактивната 29-годишна жена сега живее во близина на Дармштат и продава чевли во еден трговски центар.

Бродарот Фридрих Штунц од Фирнебург

Работата го прави среќен, не парите! Фридрих Штунц, кого сите го знаат само како Фриц, ја сака работата. Цели 54 години 68-годишниот Фриц е зад кормилото. Пензија е збор што не му се допаѓа многу.

Лекарката во Брза помош Дагмар Цилиг од Росток

Дагмар Цилиг не работи само како лекарка во Брза помош, туку и во слободното време не се дели од лекарскиот куфер и работи како доброволен тренер на спасувачи за на море, а повремено дури и како лекарка за нуркачи.

Градежниот работник Јохен Верц од Груjбинген

Неговото дело секојдневно се гази и по него минуваат автомобили: Јохен Верц гради улици. Работата меѓу течниот асфалт и валјаците е тешка физичка работа, а 12-часовен работен ден не е реткост.

Таксистот Хајко Јансен од Берлин

Хајко Јансен е „ноќна птица“, сака музика и возење автомобили. Со возењето такси може да ги обедини сите свои страсти. Тој вози ноќе и секогаш знае што и кога се случува во Берлин.

Елен Гернер, невработена од Дрезден

Елен Гернер има 54 години и еднаипол година е без работа. Таа живее со нејзините деца во Дрезден. Но, би отпатувала и до крајот на светот ако таму најде работа.

Контролорот во Станица за технички преглед Андреас Шершел од Хирт

Андреас Шершел како дете не сонувал дека ќе контролира автомобили. Сепак, денес, тој ја сака работата, пред се‘ затоа што ја врши самостојно.

Покажи повеќе написи