60 години од Декларацијата за човекови права
6 декември 2008
„Сите луѓе се раѓаат слободни и еднакви во своето достоинство и своите права. Тие се обдарени со разум и совест и меѓу себе треба да се однесуваат во братски дух“, стои во првиот член на Декларацијата за човековите права, усвоена на Генералното собрание на ОН на 10-ти декември 1948-ма година во Париз. Таа содржи преамбула и вкупно 30 членови, кои ги објаснуваат основните права на еден човек на земјината топка и се сметаат за идеал на кој се обврзани сите народи и нации.
10-ти декември оттогаш е прогласен за Светски ден на човековите права. Од 1948-ма година до денес има многу подобрувања, но и натаму има кршење на човековите права во целиот свет, па и во Европа.
По повод 60-тиот јубилеј на Декларацијата за човекови права, Дојче Веле ви нуди прилози од сите региони на светот.