کيری ليم کی شہری اسمبلی میں تقریر ہلڑ بازی کی نذر

ہانگ کانگ کی شہری اسمبلی میں اپوزیشن کے احتجاج کے بعد انتظامی رہنما کيری ليم کو اپنی سالانہ تقرير ايک ويڈيو لنک کے ذريعے کرنی پڑی۔ انہوں نے کہا کہ حکومت عوام کو درپيش مسائل کا حل تلاش کرنے کے ليے پر عزم ہے۔ قريب چار ماہ سے جاری احتجاجی مظاہروں کے تناظر ميں کيری ليم نے کہا کہ ہانگ کانگ کو سن 1997 ميں برطانيہ سے آزادی کے بعد اپنی تاريخ کے سب سے بڑے چيلنج کا سامنا ہے۔ کيری نے کہا حکومت اس احتجاجی تحريک کے خاتمے کہ ليے کوششيں جاری رکھے ہوئے ہيں تاہم عوام کو بھی اپنے اختلافات دور کرنے چاہييں۔

خصوصی انتظامی حيثيت کے حامل چينی علاقے ہانگ کانگ ميں سراپا احتجاج مظاہرين نے بدھ کی صبح حکومتی چيمبرز کا راستہ بلاک کر ديا، جہاں سے رہنما کيری ليم کو در اصل اپنا خطاب دينا تھا۔ ان کی تقرير سے کچھ ہی دير قبل مشتعل مظاہرين چيمبر ميں داخل ہو گئے اور جمہوريت کے حق ميں نعرے بازی کی۔ معاملات سنبھلنے کے بعد کيری ليم نے اپنی تقرير شروع کرنے کی کوشش کی تاہم پھر سے اپوزیشن کے اراکین کااحتجاج شروع ہونے پر انہوں نے يہ تقرير بذريعہ ويڈيو لنک کرنے کا فيصلہ کيا۔ ہانگ کانگ ميں چند متنازعہ حکومتی اقدامات کے بعد پچھلے چند ماہ سے جمہوريت نواز تحريک جاری ہے، جس ميں وقفے وقفے سے احتجاج کا سلسلہ جاری ہے۔

کيری ليم کی جانب سے تقرير ويڈيو لنک کے ذريعے کيے جانے پر چند قانون ساز کافی نالاں دکھائی ديے اور انہوں نے بعد ازاں فوری طور پر ايک پريس کانفرنس کا اہتمام کيا۔ اس پريس کانفرنس ميں کہا کہ کيری ليم قيادت کے ليے اہل نہيں۔ ايک قانون ساز نے کہا کہ ويڈيو لنک کے ذريعے تقرير يہ ثابت کرتی ہے کہ ليم اپنی پاليسی پارليمان ميں بيان تک نہيں کر سکتيں۔

دوسری جانب کيری ليم نے اپنی تقرير کے بيشتر حصے ميں ہانگ کانگ کے ديرنہ مسئلے ’مکانات کے مہنگے کرائے‘ پر بات کی۔ انہوں نے کم قيمت يا کم کرائے پر مکانات کی فراہمی اور حکومتی اسکيم کے تحت عوام کے ليے اضافی مکانات کا وعدہ کيا۔ کيری ليم نے اپنے سالانہ خطاب ميں غربت کے خاتمے کے ليے جاری کوششوں سے بھی آگاہ کيا۔

ع س / ع ح، نيوز ايجنسياں