کورونا کےعہد میں پاکستان کا پہلا فیشن شو

وفاقی وزیر برائے سائنس اور ٹیکنالوجی فواد چوہدری کی اہلیہ حبا فواد نے پہلی بار کسی فیشن شو میں اپنے بنائے ملبوسات پیش کیے۔ ان کے لیبل کا نام ان کی بیٹی نساء پر رکھا گیا تھا۔

ڈیزائنر علی ذیشان نے اپنے ملبوسات کے ساتھ ساتھ شادیوں میں جہیز کی رسم کے خلاف بھی آواز بلند کی۔

پاکستان کی صف اول کی فلم ہیروئین مایا علی بالوں کے جدید انداز کے ساتھ جلوہ افراز ہوئیں۔

فلم اسٹار سونیا حسین ڈیزائنر زاہا کی فیشن کولیکشن ’رشکِ قمر‘ کے لیے تخلیق کردہ سرخ جوڑے میں ریمپ پر آئیں۔

حال ہی میں شادی کے بندھن میں بندھنے والی جوڑی سارہ خان اور فلک شبیر نے مدیحہ شعیب کے بنائے لباس کافی رومانوی انداز میں پیش کیے۔ سارہ خان کے سوشل میڈیا پر 60 لاکھ سے زیادہ فالوورز ہیں۔

مشہور کامیڈی شو بلبلے کی خوبصورت یعنی عائشہ عمر مقبول ڈیزائنر فائزہ رحمان کے تیار کردہ مغربی تراش کے ہلکے رنگ کے لہنگے اور چولی میں۔

ٹی وی کی مقبول جوڑی حرا مانی اور عفّان وحید نے علیشباہ اور نبیل کے بنائے ہلکے رنگ کے لباس پہن کر ریمپ پر واک کی۔

نعمان اور بھّیا کے لیے اداکارہ نمرہ خان کا ریمپ پر اپنایا گیا انداز، اس فیشن کولیکشن کا نام گڑیا تھا، جس کی وجہ سے ماڈلز گڑیا ہاتھ میں پکڑ کر ریمپ پر آئیں۔

شادی بیاہ میں رقص تو ہوتا ہےنا، اسی لیے ابھرتی ہوئی اداکارہ امر خان اور حماد شعیب نے ریمپ پر حاضرین و ناظرین کے لیے چند زبردست ٹھمکے لگائے۔

آذان سمیع خان نے اس موقع کا فائدہ اٹھاتے ہوئے اپنے آنے والے میوزک البم کا ایک گانا بھی گایا۔

سرخ اور گلابی روایتی عروسی ملبوسات کے رنگ ہیں، اسی خیال سے حارث شکیل نے صبور علی کے زیب تن کیے اس لباس کو تخلیق کیا۔

ماضی کی فلم اسٹار صاحبہ نے ڈیزائنر کاشیز کے تیار کردہ لباس کا انتخاب کیا، جو سیاہ رنگ کی وجہ سے کافی غیر روایتی محسوس ہوا۔

فہد حسین نے اس مرتبہ ہاتھ سے رنگے ہوئے لباس، رقص کا مظاہرہ کرتے ہوئے پیش کیے۔

حال ہی میں بہترین اداکار و اداکارہ کا ایوارڈ جیتنے والے عمران اشرف اور یمنیٰ زیدی، عظمٰی بابر کے لیے ریمپ پر اترے۔

اداکار نعمان اعجاز اپنے صاحبزادے زاویار اعجاز کے ساتھ جدید تراش کے مغربی سوٹ میں ریمپ پر اترے۔