’ڈیپ فیک‘ کو پکڑیں کیسے؟

ڈچ وزیراعظم مارکے رُٹے کے کالر پر یہ اضافی سلوٹ دیکھیے۔ تصویر میں ان کے چہرے کے کناروں سے ایڈیٹنگ کے ذریعے چہرہ تبدیل کرنا دیکھا جا سکتا ہے۔ یہ تو سامنے کی چیزیں ہیں۔ جب یہی کنارے، کپڑوں، بالوں یا زیورات کے ہوں تو آپ تب بھی جعلی پن پکڑ سکتے ہیں۔

جھمکے کا دلچسپ انتخاب۔ اس تصویر میں آپ کو دو مختلف جھمکے دکھائی دے رہے ہیں۔ تصویر میں ان جھمکوں کو ذرا غور سے دیکھیے، خاص طور پر کان اور جھمکوں کے ملاپ کے مقام کو۔ آپ آسانی سے اندازہ لگا سکتے ہیں کہ یہ اصل تصویر ہے یا اس تصویر کے ساتھ چھیڑ چھاڑ کی گئی ہے۔

آپ کو لگ رہا ہو گا کہ آپ ایک ایسے شخص کو دیکھ رہے ہیں، جس نے چشمہ پہن رکھا ہے، مگر کیا واقعی؟ اگر آپ قریب سے دیکھیں، تو آپ کو نظر آئے گا کہ چشمے کے دونوں شیشے مخلتف ہیں۔ ایک طرف کا شیشہ بیضوی ہے اور دوسری طرف کا قدرے چپٹا۔ کیا آپ پہلی نظر میں جان پائے تھے؟

فوٹو گرافی کی ترکیب بوکے ایفیکٹ کے باعث اس تصویر کا پس منظر غیرواضح ہے اور یوں لگتا ہے کہ جیسے یہ مریخ کی سرزمین ہو ۔ اس پر اعتبار نہیں کیا جا سکتا۔

تصویر میں دانتوں کی ایڈیٹنگ مشکل کام ہے۔ بعض اوقات ان کی غیرواضح اشکال بہت واضح ہوتی ہیں۔ کیا آپ یہاں ایسا کچھ دیکھ رہے ہیں؟

لباس ہر شخص کی ذاتی پسند ہوتا ہے اور اس کے مختلف اسٹائل ہوتے ہیں۔ تاہم یہاں کیا ہو رہا ہے؟ کیا یہ واقعی اس شخص کا لباس ہے؟ کیا آپ اس تصویر پر بھروسا کر سکتے ہیں؟

ڈیپ فیک پکڑنے کے اعتبار سے شاید یہ سب سے مشکل تصویر ہے۔ مگر کیا آپ کو لگتا ہے کہ بال اس خاتون کے ماتھے پر اگ رہے ہیں؟ کیا آپ نے دیکھا؟