1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

ٹونٹی ٹونٹی کرکٹ: پاکستان عالمی چیمپئن

رپورٹ: عابدحسین21 جون 2009

آج لارڑز کے میدان پر پاکستان اور سری لنکا کی ٹیموں کے درمیان دوسرے آئی سی سی ٹوئنٹی ٹوئنٹی عالمی کپ کرکٹ ٹورنامنٹ کا فائنل کھیلا گیا جس میں پاکستانی کرکٹ ٹیم نے ہر شعبے میں سری لنکا کی ٹیم کو شکست دی۔

https://p.dw.com/p/IVRn
پاکستانی کپتان یونس خان نے اپنی ٹیم میں جیت کا جذبہ بیدار کرنے میں کامیابی حاصل کی ہے۔تصویر: AP

پاکستان نے لندن کے تاریخی میدان لارڈز میں ٹونٹی ٹونٹی کرکٹ کا ورلڈ کپ جیت لیا ہے۔ تمام اندازوں کے اُلٹ پاکستان نے وہ کارنامہ سرانجام دیا جس کی ابتداء پر توقع بھی نہیں کی جا سکتی تھی۔ پاکستان نے اُنیسویں اوورز میں مطلُوبہ ہدف یعنی ایک سو انتالیس رنز حاصل کر لیا۔ پاکستانی کرکٹ ٹیم نے ٹارگٹ کے حصول میں انتہائی ذمہ دارانہ انداز میں بیٹنگ کی۔ صرف دو وکٹوں کے نقصان پر فتح کی منزل تک پاکستانی کھلاڑی پہنچے۔ شاہد آفریدی کے شاندار ناٹ آؤٹ چون رنز نمایاں تھے۔ کامران اکمل کے سینتیس، شعیب ملک کے چوبیس اور شاذیب حسن کے اُنیس رنز بھی فتح میں اہم تھے۔

لارڈز کے میدان پر ٹونٹی ٹونٹی کرکٹ کے ورلڈ کپ میں سری لنکا نے ٹاس جیت کر پہلے بلے بازی کا فیصلہ کیا جو قدرے مہنگا رہا۔ تیرہویں اوورز تک صرف ستر رنز بن سکے اور چھ سری لنکن کھلاڑی آؤٹ ہو گئے۔ آخری چھ اوورز میں سری لنکا نے اڑسٹھ رنز بنائے جس کی توقع نہیں کی جا رہی تھی۔ پاکستانی باولر عبدالرزاق نے تین کھلاڑیوں کو آؤٹ کیا۔

اس موضوع سے متعلق مزید سیکشن پر جائیں