مالیاتی بل منظور: سپریم کورٹ کے ججوں کی تعداد سولہ سے انتیس کر دی گئی

پاکستان کی قومی اسمبلی نے سن دوہزار آٹھ دو ہزار نو کے لیےمالیاتی بل منظور کر لیا ہے۔ یوں تو بجٹ کا منظور کیا جانا کوئی غیر معمولی بات نہیں ہے مگر مزکورہ مالیاتی بل کے زریعے حکومت نے سپریم کورٹ کے ججوں کی تعداد میں اضافہ کر کے اسے سولہ سے انتیس کر دیا ہے۔ پاکستان میں بحالیِ عدلیہ کے لیے وکلاء کی تحریک جاری ہے اور وکلاء برادری ججوںکی تعداد میں اضافے کو پہلے ہی مسترد کر چکی ہے۔

اسلام آباد میں ڈائچے ویلے کے نمائندے شکور رحیم کا کہنا ہے کہ مزکورہ بل کے منظور کیے جانے سے مسلم لیگ نواز کی وکلاء تحریک کے ساتھ یک جہتی اب شکوک و شبہات کا شکار ہو گئی ہے۔