1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

صومالیہ میں خاتون کو سنگسار کر دیا گیا

9 مئی 2018

صومالیہ میں شدت پسند گروہ الشباب کے جنگجوؤں نے ایک خاتون کو سنگسار کر دیا۔ اس پر الزام عائد کیا گیا تھا کہ اس کے متعدد شوہر ہیں۔

https://p.dw.com/p/2xSCP
Symbolbild Steinigung
تصویر: Sajjad Hussain/AFP/Getty Images

خبر رساں ادارے روئٹرز نے عینی شاہدین کے حوالے سے بدھ کے دن بتایا ہے کہ صومالیہ کے زیریں شبیلی ریجن میں ایک تیس سالہ خاتون کو پتھر مار مار کر ہلاک کر دیا گیا۔ بتایا گیا ہے کہ اس سنگساری کو دیکھنے کی خاطر درجنوں افراد وہاں موجود تھے۔

ناجائز تعلقات کے الزام پر صومالی لڑکی سنگسار

افغان طالبان نے ایک اور خاتون کو سنگسار کر دیا

خاتون کو سنگساری کی سزا، سعودی مقدمہ پھر کھولنے پر راضی

شکری عبداللہ نامی اس خاتون کے بارے میں بتایا گیا ہے کہ اس کے گیارہ شوہر تھے۔ شبیلی ریجن میں شدت پسند گروہ الشباب کے گورنر محمد ابو اسامہ نے روئٹرز کو بتایا کہ اس خاتون کے نو شوہروں نے ’ایک عدالت‘ میں بیان دیا تھا کہ شکری ان کے نکاح میں ہے۔ ان میں شکری کا قانونی خاوند بھی شامل تھا۔

الشباب نامی انتہا پسند گروہ صومالیہ میں اسلامی قوانین کے نفاذ کی خاطر مسلح بغاوت جاری رکھے ہوئے ہے۔ اس جنگجو گروہ نے اپنے زیر قبضہ علاقوں میں اپنا عدالتی نظام قائم کر رکھا ہے، جہاں سزاؤں کے خلاف اپیل کی کوئی گنجائش نہیں ہے۔ یہ عدالتیں ماضی میں بھی ملزمان کو سخت سزائیں سنا چکی ہیں۔