شعیب اختر کی سزا کے خلاف ایپلیٹ کمیٹی کا اجلاس

شعیب اختر پر پانچ سال کی پابندی کی عبوری معطلی کے لئے آج ایپلیٹ کمیٹی کا اجلاس ہو گا۔ ایپلیٹ کمیٹی کے سربراہ جسٹس ریٹائرڈ آفتاب فرخ کا کہنا ہے کہ آج اس بات پر غور کیا جائے گا کہ شعیب اختر پر پابندی کو وقتی طور پرختم کیا جا ئے یا نہیں۔ واضح رہے کہ انڈین پرمیئر لیگ حکام کی طرف سے سزا یافتہ شعیب اختر کو لیگ نہ کھیلنے کی اجازت پر یہ خصوصی سماعت کی جائے گی۔ تاکہ شعیب اختر انڈین لیگ کھیل سکیں۔ اس سے قبل انڈین لیگکے حکام نے کہا تھا کہ ایسا کوئی بھی کھلاڑی لیگ نہیں کھیل سکتا جس پر اس کے اپنے ملک نے ہی پابندی عائد کی ہو۔ واضح رہے کہ شعیب اختر پر لگائی جانے والی پابندی پر باقاعدہ سماعت جون کو ہو گی۔