ترکی اور يونان کے درميان زمينی راستے سے ہجرت ميں اضافہ

ايتھنز حکام نے بتايا ہے کہ پچھلے دو دنوں کے دوران ترکی اور يونان کے درميان زمينی راستے سے سينکڑوں مہاجرين غير قانونی انداز ميں يونان پہنچ چکے ہيں۔ مقامی پوليس نے منگل سترہ اپريل کے روز بتايا ہے کہ گزشتہ روز 370 افراد کو حراست ميں ليا گيا تھا۔ پوليس کے مطابق يہ مہاجرين دريائے ايوروس پار کر چکے تھے جو يونان اور ترکی کے درميان واقع ہے۔ قبل ازيں اتوار پندرہ اپريل کو بھی 140 تارکين وطن کو حراست ميں ليا گيا تھا۔

يونانی جزائر پر مہاجرين کو درپيش مسائل کے علاوہ ان تک پہنچنے ميں رکاوٹوں کے تناظر ميں ترکی کو شمال مشرقی يونان سے ملانے والا زمينی راستہ ان دنوں کافی مقبول ہوتا جا رہا ہے۔ روايتی طور پر پناہ گزين سمندری راستے سے يونانی جزائر تک پہنچتے رہے ہیں ليکن اب اس روٹ کی کڑی نگرانی کی جاتی ہے، جس سبب مہاجرين يہ متبادل راستہ اختيار کر رہے ہيں۔

يونانی حکام کے مطابق دريائے ايوروس پار کر کے يونان پہنچنے والے فروری ميں 586 اورمارچ ميں 1,658 کو گرفتار کيا جا چکا ہے۔

اقوام متحدہ کے ہائی کميشن برائے مہاجرين يو اين ايچ سی آر کے مطابق اس سال اب تک 18,032 مہاجرين سمندری راستوں سے يورپ پہنچ چکے ہيں۔ ان ميں سے 7,145 مہاجرين يونان پہنچے، 7,490 کی آمد اٹلی ميں رپورٹ کی گئی جبکہ اسپين پہنچنے والے مہاجرين کی تعداد 5,000 رہی۔ اس دوران اب تک کم از کم 517 مہاجرين ہلاک يا لاپتہ بھی ہو چکے ہيں۔

ع س / ا ا، نيوز ايجنسياں