آسٹریلیا، سیاحت میں ریکارڈ اضافہ
گزشتہ برس دنیا کے مختلف ممالک سے تعلق رکھنے والے سیاحوں نے آسٹریلیا میں سیر و تفریح پر لگ بھگ 42 ملین آسٹریلین ڈالر خرچ کیے۔ اس رقم کا ایک چوتھائی حصہ چینی سیاحوں نے صرف کیا۔
سیاحت میں چھ فیصد اضافہ
اس براعظم کے وزیر سیاحت کے مطابق 2016ء کے مقابلے میں گزشتہ برس سیاحت میں چھ فیصد اضافہ دیکھنے میں آیا ہے اور یوں آسٹریلیا کی معیشت کو مزید 2.2 ارب ڈالر کا فائدہ ہوا ہے۔
اسی لاکھ سیاح
آسٹریلیا کی جانب سے جاری سرکاری اعداد و شمار کے مطابق گزشتہ برس دنیا بھر سے لگ بھگ اسی لاکھ افراد سیاحت کے غرض سے آسٹریلیا آئے تھے۔ ان میں سے زیادہ تعداد چینی سیاحوں کی تھی۔
بارہ لاکھ چینی سیاح
2016 میں تقریباً گیارہ لاکھ چینی سیاحوں نے آسٹریلیا کا رخ کیا تھا جبکہ 2017 میں بارہ لاکھ چینی سیاحوں نے آسٹریلیا کو اپنی چھٹیاں گزارنے کی منزل کے طور پر چنا۔ اس دوران چینی سیاحوں نے 10.4 ارب ڈالر کی رقم خرچ کی جو کہ 2016 کے مقابلے میں چودہ فیصد زیادہ ہے۔
تسمانیا میں سب سے زیادہ سیاح
گزشتہ برس بھارتی سیاح بھی بڑی تعداد میں سیر کے مقصد سے آسٹریلیا گئے تھے۔2017ء میں آسٹریلیا کے جزیرے تسمانیا میں سب سے زیادہ سیاح گئے تھے۔
سڈنی اوپیرا ہاؤس
گزشتہ برس تین ملین سیاحوں نے سڈنی اوپیرا ہاؤس کا دورہ کیا تھا اور لگ بھگ تیس لاکھ افراد نے سڈنی ہاربر برج کا دورہ کیا۔